Suosittuja jakeita Raamatun kirjasta Gehegehedira 2

Jaa

Peter te ghaghua vanira, “Sasakai itamiu ke tughulio, ge ke vulitabu tana ahana Jesus Christ ge a God ke talukehai na paluna me ke lavipangotia nina sonihalavu God na Tarunga Tabu.

Gaira tara lavilaga na naunau itadira rana manevetena mara sakaisonikolu tana vanga mana kokoeliulivuti.

Gaira udolu te vonughira na Tarunga Tabu mara vuivuni nia kokoe na sopa leu te kehakeha, na pukuna te maanangira na Tarunga Tabu.

Me ribehaghi nira na tagumu i kokou te vaghaa na ghuri sule, me horavia lokana na vale tara haghara igaa. Ge ara vaevanea te vaghaa na lapilapi ni lake te havukaghi me hibetira sopa gaira. Gaira udolu te vonughira na Tarunga Tabu mara vuivuni nia kokoe na sopa leu te kehakeha, na pukuna te maanangira na Tarunga Tabu.

Tughu bongi agaira rana taluutuni tara savukolu tana Valetabu nina God, mara vanga koukolu ghua tana valedira, nia na togotogo mana lio kikinima te togholuvui na tobadira, mara holohabaa God mana lei tinoni soko tara nira kikinima. Tughu bongi a Lord te savungia didira na ovu gaira God te vavolara.

‘Aeni na hava ku gonia tana sosoko ni bongi, Inau ku vetenaa mai vuvungamiu udolu nigua na Tarunga Tabu. Rana lei dalemiu, na mane mana vaivine, kara bosadilai nina rongorongo God vanira na lei tinoni, rana lei garimane kara righighi na lei mabubu, mana lei tonikama kara maturubole.

Agaira udolu tara taluutunia Jesus tara kabu veidolovi mara nighi veihahangai lei didira lologho. Ma gaira tara nighi hunulu balu didira totobo mana lologho, mara tuvalighi na rongo ighobudira taonia na hava te sopa manadira.

Vaho, ge ahei ke nongia Lord nia na Ahagu, ke vavola.’ e ghaghua.

Na hina ke kuvihia na pungi mana vula ke liliu ni sisi vaghaa na ghabu, mi murina vaho ge na rongoragha sule ngangata tana bongi vaghana ke mai gaa a Lord.