Suosittuja jakeita Raamatun kirjasta Luke 17

Jaa

Ekw Jesus kaa itaat aniyuu naapeu, “Pisikuuh, ekw maak che chiiweyin, wesh chitaapwehtamuwin chimiinuwaachihiikuun.”

Aat maak niishwaashwaau machituutaaske peyakw chiishikaau, ekw maak tahtwaau pechi nituwaapamiske e itisk, ‘Nimihchiiwesin taan kaa ishi machituutaataan,’ yaapach wepeyihtamuu.”

Iskutak maak an peyakw naapeu chescheyihtahk e chii miinuwaachihaakanuut, chii chiiweu kaa nituwaapamaat Jesus, e chishewet e maamihchimaat Chishemanituu. Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.

Yaakwaamiikw ekaa chechii ihtuutawekw awen chechii machituutahk. Chiichishaan wanituutaaske wiihtamuu taan e ishi wanituutaask. Mihchiiwesite maak, che wepeyihtamuut.

Jesus maak chii iteu, “Chii mitaahtashuuch anichii kaa miinuwaachihaakanuutwaau. Taanite niyehkaanaanich peyakushteu.

Ekw Utipeyihchikeu kaa itaat, “Aat naashch apishaashiche chitaapwehtamuwinawaau taapishkuuch maauch kaa aapishiishit shuumin kaa ispichishtit ishpishaache, mistikw chika chii itaau, ‘Wiihkuhuuh anit kaa nihtaauchiyin ekw anite che ishi wepinisuyin chihchikamiihch,’ chika pishichihiikw.”

Awen e wii kanuweyihtahk upimaatisiiwin chika wanihtaau. An maak awen kaa pachishteyihtahk upimaatisiiwin eukun an che kanuweyihtaakanuyich upimaatisiiwin.

Jesus chii iteu uchischinuhamuwaakan, “Muush taapwe chika ihtakuniyuu chekwaayuu che ihtuutaakutwaau iinuuch chechii machituutahkwaau. Mikw maak kata aahkwaachipayuuch anichii kaa ihtuutawaatwaau aweyuu chechii machituutamiyich. Uste chipaa miywaayuu an awen chechii punasinaapaataakanuut anite chihchikamiihch, kaa ihtuutawaakwe chechii machituutamiyich aweyuu muyaam aniyuu ekaa naashch kaa suuhchikaapuyich taapwehtamuwinihch, mikw maak eshkw etituu kata aahkwaachipayuu taan che ishi waweshihaakanuut.

Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa. Mikw waa ihtitwaau chii ihtuuch aniyehkaa iinuuch, chii miichisuuch, chii minihkweuch, chii niipuuch piihiim kaa utihchipayihch che piihchet Noah uchiimaan. Ekw kaa aschiputech aschii, misiwe kaa nishuunaatisiitwaau e tashitwaau anichii iinuuch.