Suosittuja jakeita Raamatun kirjasta LUCAS 14

Jaa

—Te machꞌa ya xtal ta jtojole, teme ma xchꞌoj ta yoꞌtan te smeꞌ-state, te yiname, te xnichꞌnabe, te sbankiltake, te xwixitake, te yijtsꞌinabe, sok te skuxlejal ta balmilale, ma spas te jnopojel kuꞌun ya xkꞌote.

Sok te machꞌa ma skꞌan ya xkuch skruz kꞌoeme teme ya stsꞌakliyone, ma spas teme jnopojel kuꞌun ya xkꞌote.

Porke te machꞌa ya skꞌan akꞌel ta jkuentae ma me aꞌbiluk ta jkuenta ya xkꞌot stukel. Yan te machꞌa chꞌin yakꞌoj sbae jaꞌ me ya xꞌakꞌot ta jkuenta stukel —xchi te Jesuse.

Jaꞌ yuꞌun machꞌauk a te jaꞌexe teme ma xꞌajiles ta awoꞌtanik spisil te tut ay awuꞌunike, ma spas te jnopojel kuꞌun ya xkꞌote.

“Teme ay jtuluk te jaꞌexe teme ya skꞌan spas junuk torree, ¿meꞌn ma wan nailuk ya snajkan sba ta snopel teme tik ya xjuꞌ a te jayeb takꞌin stsoboje? Jich teme jaꞌ nax ya slijkes te simientoale y ta patil teme ma juꞌ yuꞌun sjuꞌutesele, spisil te machꞌatik ya yilike ya me xlijk ikꞌtinek yuꞌun. Ya me yalik: “Te winik to lijk spas, pero maꞌ juꞌ yuꞌun sjuꞌutesel”, xchiik me.

Yan te kꞌalal ya apas kꞌine, jaꞌ me xꞌawikꞌ tal ta weꞌel te machꞌa maꞌyuk tut ay yuꞌune, sok te jtumu-kꞌabetike, sok te koxoetike, sok te choketike. Jich me ben tsaꞌam alekil yuꞌun, porke ma xjuꞌ yuꞌun te ya sujtesbeyat sjelol stukelike. Pero ya me awichꞌbe sjelol te kꞌalal ya xchaꞌkuxat tal sok te machꞌatik toj yoꞌtanik ta stojol Diose —xchi te Jesuse.

“Te atsꞌame lek ay, pero teme chꞌay te xchiꞌile, ¿tutꞌil kꞌan chiꞌubuk xan? Ni ma xtuunix yuꞌun a te lume sok ma xkꞌaꞌix yuꞌun a te kꞌaꞌpale. Jmel ya xchꞌojot lokꞌel ta jwera. Te machꞌa ay xchikine a me yaꞌibe sluwaril —xchi te Jesuse.