Suosittuja jakeita Raamatun kirjasta Cäk 17

Jaa

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Rinku acï ke bï bɛ cɔl Abram, abï ke cɔl Abraɣam, në luɔi ta Yɛn yïn ee wun juöör juëc ëbɛ̈n.

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

“Ënɔɔnë, Yɛn loi mändï wo yïn. Yïn bï ya wun juöör juëc ëbɛ̈n.

Ago Nhialic lueel an, “Ei, Thara tiiŋdu abï yï dhiëth mɛwä, ku abä cäk rin an Yithaak. Yɛn bï mändï döt wokë yen, ku mïthkɛn bï lɔ̈ɔ̈k tɔ̈u në yecök aɣet athɛɛr. Mät acïï kɔ̈u bï tɛɛm aɣet athɛɛr.

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Ago Abraɣam yenɔm guöt piny abïï piny jak në yenɔm, ku dɔl, ku lueel në yepiɔ̈u an, “Duëërë meth dhiëëth në mony dïït cï run aa bɔt? Ku Thara dïït cï run aa thiërdhoŋuan, duëër bɛ dhiëth ë meth?”

Ago Nhialic lɛ̈k Abraɣam an, “Tharai tiiŋdu, acï bï bɛ ŋoot ke ye cɔl Tharai, rinke gɔl ënɔɔnë ku le tueŋ, abï ya cɔl Thara.

Wek bï keek aa cueel në guöp në dɛ̈l nu tueŋ, ku yen abï ya kïn ë män nu ë kaamdï wo week.

Ku Yɛn bï mät looi wokë Yithaak, wënduön bï Thara dhiëth yïn wälë, alë ruöön.”

Gɔl cï ënɔɔnë ku le tueŋ, mɛwä ëbɛ̈n abï ya cueel ke nïnke ë ke ye bɛ̈t, nïn ë dhiëëthë ye. Ayï lïïm ë dhiëth ke ɣöndu, ku nɔn ee kek lïïm ë ɣɔc në wëuku tëde jur däŋ. Raan ëbɛ̈n, abï dhiɛl cueel. Ku kënë abï ya kïn ë guöp, ke bï mändï wo week aa nyuɔɔth, nɔn ee yen kë cïï kɔ̈u bï tɛɛm aɣet athɛɛr.