Suosittuja jakeita Raamatun kirjasta Yohanes 14

Jaa

Uti, naꞌuk otu ma ralabira ra malinan watan. Malinan i ntali Yaꞌa, ala verin mia, ovu afa i ala verin mia yai wol wean afa ovi lanit ivavan a nala verin mia. Ba ralabira ra deka kakoꞌu ovu deka byobar.

Yesus nfalak ne, “Yaꞌa ini lingaꞌan verin tamata ovi mane rti Yamang a. Tali Yaꞌa bi tamata ra rkaꞌa afa ovi kena ra, ovu Yaꞌa ala vavaꞌat kakiwal verin tamata ra. Wol tamata isa bisma nti ntuan Yamang a, wean i wol nahu Yaꞌa.

Yesus nfalak ne, “Deka ralabira kakoꞌu. Myorang Ubu, ovu myorang vali Yaꞌa.

Naꞌuk Yamang a veka nala Ni Roh ma al nkati Yaꞌa ma nala lablobang verin mia. Ni Roh yai veka nair mia naꞌa afakataka munuk, ovu nfangnanang mia naꞌa afa ovi air munuk roak verin mia.

Tamata iki watan ntorung afa ovi ufareta verin tamata ra ovu not-orang, na ia nlobang urun Yaꞌa. Iki watan nlobang Yaꞌa, na Yamang a nlobang ia, ovu Yaꞌa veka ulobang vali ia, ma ufaturu tenang a verin ia.”

Yaꞌa veka era verin Yamang a ma nala Ni Roh i veka nala lablobang verin mia ovu nfatuang mia, nata ti wol ni wahan. Ubu Ni Roh yai veka nfalyawang afa ovi kena ra. Tamata ovi rnaꞌa lanit ivavan a wol rtorung Ni Roh a, tevek wol rsiꞌik ovu wol rkaꞌa Ia. Naꞌuk mia mkyaꞌa Ia, tevek nfatuang mia ovu veka nleal ralabira ra.

Wean i myera afaka watan naꞌa narang a, na Yaꞌa veka otu munuk verin mia, boma tamata ra rfadawang Yamang a, tevek afa ovi otu ra. Wean i myera afaka watan naꞌa narang a, na veka otu munuk afa avyai verin mia.”

Yesus nfalak ne, “Wean i mlyobang Yaꞌa, na mia veka myot-orang afa ovi ufareta ma myotu ra.

Wan rivun naꞌa Yamang Ni Rahan a. Uti inveli, boma ususan wan verin mia. Wean i wol wean inyai, na ufalak roak verin mia.

Yaꞌa uti ma ususan wabira munuk, beti ewal Yaꞌa ma ala mia ma tati wang i unaꞌa, boma wean i unaꞌa inyai, na mia mnyaꞌa vali inyai.

Tomas nfalak verin Yesus ne, “Duilaꞌa, ami wol amkaꞌa ne, Oa mane muti ba. Ba wean inba ma bisma amkaꞌa lingaꞌan i mane nti wan yai?”