Suosittuja jakeita Raamatun kirjasta 1 Mga Taga-Corinto 13

Jaa

Ang gugma mapailubon ug maluluy-on. Dili kini masinahon o tigpanghambog. Ang gugma dili mapahitas-on o bastos. Ang gugma dili mamugos sa kaugalingong kagustohan; ang gugma dili masuk-anon o madinumtanon.

Ang gugma mopailub, motuo, molaom ug molahutay gayod.

Ang gugma dili malipay sa daotan kondili sa kamatuoran.

Busa kining tulo magpabilin: pagtuo, paglaom ug gugma. Apan ang labing dako niini mao ang gugma.

Ang mga pagpadayag sa langitnong mensahe lumalabay lamang. Ang mga hiyas sa pagsultig lahi nga pinulongan mawala ug ang kahibalo mahanaw. Apan ang gugma dili gayod matapos.

Mahimo nga makasulti ako sa pinulongan sa mga tawo ug bisan sa mga anghel. Apan kon wala akoy gugma, sama ra ako sa saba nga agong ug sa piyangpiyang nga nagtagingting.

Bisag may hiyas pa ako sa pagpadayag sa langitnong mensahe, makabaton sa tanang kahibalo ug makasabot sa tanang tinago; bisag may pagtuo ako nga makapabalhin sa mga bukid—apan kon wala akoy gugma, wala akoy kapuslanan.

Bisag ipanghatag ko pa ang tanan nga ania kanako ug ipasunog ang akong lawas apan kon wala akoy gugma, wala kini kapuslanan.

Sa bata pa ako, ang akong sinultihan, pagbati ug panghunahuna binata; apan karon nga hamtong na ako, dili na ako magbinata.