Suosittuja jakeita Raamatun kirjasta Genesis 21

Jaa

Binindisionan na KATAWAN si Sara, onung na insipan to.

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw. Alagey ka, laka ta alam, tan ligliwam. Gawaen kon baleg a bansa ray kabyangay boleg to naani.”

Nanlokun tan nananak na sakey a laki ed kinen Abraham nen masiken la, tan diad samay panaon ya imbagay Dios.

Inkuanen Sara, “Makapagayaga tan makapalek so ginaway Dios ed siak; siopamay makadngel ed saya mielek met ed siak.”

Balet inkuan na Dios ed sikato, “Ag mo panggugunigonan so ogaw tan say aripen mon si Agar. Gawam so antokaman ya ibabaga nen Sara, ta si Isaac so panlapwan na saray kabyangay boleg mon insipan kon iter ed sika.

Itdan ko met na amayamay ya anak so anak mod samay aripen a bii, pian magmaliw iran sakey a bansa, ta anak mo met lanti si Ismael.”