Suosittuja jakeita Raamatun kirjasta LUCAS 17

Jaa

Ukat uka jaqirux säna: —Sayt'am ukatsti sarxam, iyawsatam laykuw k'umarachatäxtaxa —sasa.

Jupatix paqallq kuti urun chuym ust'ayätamxa, ukatsti paqallq kutirak ‘janiw juk'amp chuym ust'aykxämati’ sätamxa, jupar pampachxarakim”.

Jupanakat maynïriw k'umaräxasin jach'at warart'asis kutt'anïna: “¡Yuspagar Tatay! ¡Yuspagara!” sasa. Jupasti Jesusan nayraqataparuw killt'asïna, ajanupsa uraqkam alt'asaw jupar yuspagaräna. Aka jaqisti Samaria markankirïnwa.

¡Wal amuyasipxam! “Jilamatix chuym ust'ayätamxa, tuqinuqam; pampachxit sätamsti, pampachxarakim.

Ukat Jesusax arkirinakapar jiskt'äna: —¿Janit tunkanïki k'umarachatanakasti? ¿Kawkinkapxis llätunkanixa?

Tatitusti jupanakarux sarakïnwa: —Iyawsañanakamatix mostaza jatha ukch'aki utjaspaxa, aka quqarux sapxasmawa: ‘Akat liwstam, ukat qutar ayruntasim’ sasa, uka quqasti jaysapxiristamwa.

Khititix jakañap qhispiyasiñ munki ukax, apt'asiniwa; ukampis jakañap apt'asirix qhispiyasiniwa.

Jesusax yatiqirinakaparux sänwa: “Kunanakas jaqir juch lurayirix utjapuniwa, ukampis ¡kunakïkani mayninakar juchar puriyir jaqitakixa! Uka jaqin mä jach'a qalamp kunkat chinuntasin qutar jaquntatäñapax askïspawa, aka jisk'anakat maynir juchar puriyañapat sipansa.

Kamisatix Noé chachan urunakapan luraskänxa, ukhamarakiw Jaqin Yuqapan urunakapan lurasini. Jaqinakax ukürunakan manq'asipkänwa, umasipkänwa, jaqichasisipkarakïnwa, Noé chachan arcar mantañapkama, ukapachaw uma juiciox purinïna, ukat taqiniw jiwarapxäna.