Suosittuja jakeita Raamatun kirjasta Лукара йибкьыд Шадды Хабар 12

Jaa

Мыс-га гьӀазырана сыдкьӀаӀ: илсанашды Дух ваӀ гуьзет джаъад гедеэне хъикьаси.

Са кардид дерде эдиъ – Гьанийды ПагьӀчаалыгъад, мадды сиене Гьание Джу гьадиде ара хихьир выси.

Гадакъ, невсаала агьӀдиет диш – илсанашды гьӀумир ад-ахъынваӀлиылаа асыллы диш, гьанийхда сиене кар анахъунки, – рухьура ГьӀасара илсанашде. – Къаних мадугъӀ!

Гьис хьуйне, гьили выхьды девлет ади, гьади выхьды йикӀ ки йикиси.

Гьалдаа и ваӀклаа, шудаъ чалыш диширдики, джуды гьӀуьмир са сагьӀатаа ки хӀуляхӀа ваъас йикисды?

Джуды шагырташде ГьӀасара рухьура: – Гьадыыла йиъи За ваӀде рухьуд: ваӀс «ешемиш дикис улесды на валыг йигара» хьур дерде мадугъӀ.

Выхьды хьуйне кьулуу гъадухъунды чӀарбыр ки кьыле гьыъыр а. ГичӀ мываъ! ВаӀ сиене ишкӀилмыхъаъ багьа диъи!

ГимийичӀ, гьай кӀыъды нехир! Йинчид васи гьа виъи – ваӀс ПагьӀчаалыгъ пешкеш ваъасды.

Гадакъ хъӀадешихда: Я езеэрдиш, я еш гъаъаардиш, адиш гьаммыхда я мыхӀыдбыр, я гъӀанды халбыр, Амма Йинчире гьаммыс кывылцӀара а. ВаӀ шуркумашыхъаъ багьа диъи!

Хумалук ваӀ ваӀдаа, шыв улесди, шыв рагъасди, гьадид дерде ки амадугъӀ.

Майданаа гъад бычӀыы, гъиигъа ад, быгаа лахак кихьисды, Йинчире гьааса лаъанахъун, ваӀа ки лаъаси, гьай инаамиш джудгъӀудбыр!

Са дагулды адиш Ашгара джикисды, са сир адиш, гъаъ лиджидхьусды.