Suosittuja jakeita Raamatun kirjasta Лукара йибкьыд Шадды Хабар 8

Jaa

Йыхды накьуди идхьуд сукбыр – илсанар диъи, ун йишир, джухьды йыхды, темизды йикӀе увухӀуд, – гьадыыла гъыд вихинире еш вылцӀара.

Зазалма идхьуд сукбыр – илсанар диъи, чӀилды ун йишир ад, амма гьӀумирдире, гвалахмыра, шигьимыра, пешемыра хьуъ гаджаадгъур ад, гьадыыла гьабишды гытӀ хъилкьаардиш.

Къат кид накьудыы сидхьуд сукбыр – илсанар диъи, ун йишир, шадна хывылкьад чӀел, амма гъваб гидиш гьабишихьде, гьадыыла цӀамды гедеэне гьабыр инаамиш дуруъура, четинваӀле ыдхӀыр мадана хъуъ суьхъдуьбкуьре

– Выхьды инаамишвалды гьили а? – рухьура ГьӀасара мутагьӀлимешде. ГичӀере йишир, гьӀаламат йишир ад мутагьӀлимеше рухьура са-сынийде: – Вышдихь Гьа, хьыблис не хьидис ки кине бииругъбыр вьлцӀара, тимбыр ки хъацва гьаъад?

РыкъӀыде сидхьуд сукбыр – илсанар диъи ун ад, амма хьели Иблис йибкьыр, хъихире чӀелбыр гьабишды йикӀяа, гьабыр инаамиш джидшир, азад джидшин бадаана.

Гьис хьуйне, адиш гьаасад сир, эхир ашгара джикисды, Адиш гьаасад дагулды, эхир, гьацӀара йишир, гъаъ игъджидхьусды.

Гьа гедеэне, гиркӀа гьаъас джикисды геркьыр, руръура хьуъ са хьыдылды, лакьалкьара, Минийды гъилябырма ирхьур, халкьдид улихьде ихтилат гьаъара, шыв себеб вишир ридж керкьырди Гьанийик, шууна ридж гьади мадана хъирширди. – Рыш, вы выды инаамишваӀлире хъырыъыд риъи. Хъырырых архыйинне, – рухьура минийде ГьӀасара.

МутагьӀлимер ГьӀасад бегеде дыхьыр, кеэйере Гьа. – МагьӀалим, магьӀалим, дыкьыркьара а е! – рухьура мибише. Гьание, киирхьур, гиивхье хъаваъара хьыбыл, луза хъаъара лепебыр. Гьабыр секин хъишир, гъӀыдилды гьаваа хъӀувгъӀуре.