Suosittuja jakeita Raamatun kirjasta Lugaa 8

Jaa

Ndortv zuqc ndau-longx wuov deix nyim beiv mienh haiz Tin-Hungh nyei kuv fienx, longc hnyouv ziepc zuoqv nyei sienx, yaac longc noic ei jienv zoux, cingx daaih hnangv naaiv deix nyim nor, ziangh duqv gitv.

Ndortv zuqc njimv-lomc wuov deix nyim beiv mienh muangx haiz kuv fienx. Zoux gau, laaix seix zaangc kuonx hnyouv nyei sic, fai laaix hnamv zinh nyaanh, fai baamh gen nyei njien-youh nduov ninh mbuo, naaiv deix sic mbiorngz jienv ninh mbuo cingx daaih hnangv maiv haih jauh nyei nyim nor.

Ndortv zuqc la'bieiv-ndau wuov deix nyim beiv mienh muangx haiz kuv fienx ziouc a'hneiv zipv. Mv baac se hnangv kuv fienx njiec nzungh maiv ndo. Sienx maiv lauh, buangh zuqc seix hnyouv nyei sic ziouc cuotv mi'aqv.

Yesu naaic ninh nyei sai-gorx mbuo, “Meih mbuo nyei sienx fim jiex haaix mi'aqv?” Mv baac ninh mbuo gamh nziex haic, mbuoqc horngh haic. Laanh ziouc naaic laanh, “Naaiv haaix dauh orqv? Ninh hatc nziaaux hatc wuom, liemh nziaaux caux wuom yaac muangx ninh nyei waac.”

Ndortv zuqc jauv wuov deix nyim beiv mienh muangx haiz Tin-Hungh nyei kuv fienx. Mv baac mienv nyei hungh daaih caangv cuotv yiem hnyouv wuov deix kuv fienx, bun ninh mbuo maiv haih sienx ziouc maiv duqv njoux.

“Maiv maaih haaix nyungc bingx jienv nyei sic maiv zuqc cuotv yaangh. Maiv maaih haaix nyungc gem jienv mv baac oix maaih mienh hiuv yaac bun mbiaangx yaangh cuotv daaih.

Wuov dauh m'sieqv dorn muangx haiz bingx maiv mbueiz aqv, ziouc sin zinx jienv nyei daaih mbaapv njiec Yesu nyei zaux-hlen. Ninh dorng jienv zuangx mienh mbuox Yesu ninh weic haaix diuc daaih hluo Yesu nyei lui-juoqv, yaac gorngv ninh nyei baengc liemh zeih longx nzengc mi'aqv. Yesu mbuox ninh, “M'dauh m'sieqv dorn aah! Weic zuqc meih sienx yie, meih nyei baengc longx mi'aqv. Gunv baengh orn nyei nzuonx aqv oc.”

Sai-gorx mbuo ziouc mingh heuc Yesu nyie daaih. Ninh mbuo gorngv, “Ziouv aah! Ziouv! Mbuo ndortv wuom daic aqv loh!” Yesu jiez sin hatc nziaaux caux wuom-laangc. Domh nziaaux ziouc dingh, wuom-laangc haapv, sekv nzengc mi'aqv.