Suosittuja jakeita Raamatun kirjasta Jenesisi 3

Jaa

Pomwe mkazi adawona kuti muti ule ukhadadeka kudya, na maonekedwe yabwino, ndipo wakufunika ucipasa udziwi, adaca bzisapo bzace acidya ndipo adapasambo mwamuna wace, acidyambo.

Tsono, nyoka ikhadacenjera kuposa bzamoyo bzense bzomwe MBUYA Mulungu adalenga. Ndipo iyo idabvunza mkazi ule kuti: “Mulungu adalewadi tenepa kuti: ‘Lekani kudya bzisapo bza muti uli-wentse mmunda muno?’ ”.

Ndin'dzaikha udani pakati pa iwe na mkazi, pan'dzakhala udani pakati pa wana wako na wana wace. An'dzaswa msolo wako ndipombo iwe un'dzaluma katende wace”.

Kwa mkazi adati: “Nindzathimizira kubonera kwako na mimba. Mwakubonera iwe un'dzabereka wana. Kufuna kwako kundzakhala kwa mamuna wako ndipo iye an'dzakutonga”.

Iwe Un'dzadya pau yako mwakucoka kaluma, kufikira udzabwerere kumataka, sabwa udacosiwa mwa iyo. Thangwe iwe ndiwe pfumbi ndipo kupfumbi un'dzabwerera”.

Ndipo kwa mamuna adati: “Pakuti iwe wabvera mkazi wako, ndipo wadya cisapo comwe ndidakuuza kuti uleke kudya, Mataka yan'dzatembereredwe thangwe la iwe. Iwepo un'dzadya mwakubonera ntsiku zentse za moyo wako.

Mulungu adamubvundza kuti: “Kodi mbani akuuza kuti uli pezi? Iwe wadya bzisapo bza muti omwe ndidakuletsa kudya?”

Pomwe adandothotha Adamu, Mulungu adaikha anju zakukhalirira kumabvadzuwa kwa dimba la Edeni ndipo adaikha cisenga ca moto comwe cikhambazungulira, kukhalirira njira yakufika pamuti wa moyo.

Adamu adapasa mkazi wace dzina lakuti Yeva, thangwe lakuti iye angadadzakhala mayi wa nthundu wentse wa wanthu.