Suosittuja jakeita Raamatun kirjasta LUCAS 11

Jaa

Qamkunaqa mana allin runakuna kachkaspam churikichikmanqa allin kaqkunata qonkichik ¿chaychu mañakuqkunamanqa hanaq pachapi kaq Taytaykichik mana qosunkichikman Chuya Espirituta?

Chaymi nikichik: Mañakuptikichikqa Diosqa qosunkichikmi. Maskaychik, tarinkichikmi, qayaychik, kichasunkichikmi.

Mañakuqqa chaskinmi, maskaqqa tarinmi, qayakuqqa kichaykachikunmi.

Chaymi Jesusñataq nirqa: —Diosta mañakuspaqa kaynatam ninkichik: “Taytayku, sutiki yupaychasqa kachun, munaychakusqayki hamuchun.

Ñoqaykupa huchaykutayá pampachawayku, ñoqaykupas mana allin rurawaqniykutam pampachaniku. Amayá kachaykuwaykuchu pruebamanqa.”

Sapa punchaw mikunaykutayá qowayku.

Ñawiqa cueponchikpa achkiynin hinam. Ñawiki allinta qawakuptinqa vidaykim kachkan achkiyniyoq. Ñawiki mana allinta qawakuptinmi ichaqa vidaykiqa kachkan pasaypaq tutayayllapi.

—Mecherotaqa ratachina manam pakarunapaqchu nitaq cajonpa ukunman churarunapaqchu aswanqa altomanmi churana wasiman yaykuqkuna rikunankupaq.