Suosittuja jakeita Raamatun kirjasta PIENCILNA 1

Jaa

Tua ciengin Pasien in, “Eima’ lim, eima’ mel sunin mihing siem vai; amate in tuipi sunga ngate, vantunga vate, innsa, gamsa zosie, le leitunga a bawhvate zosie tungah thu neisah vai,” ci hi. Tuaci’n Pasien in ama’ lim sunin mihing siem a, ama in Pasien’ lim bangin amate a siem hi. Ama in pasal le numei a siem hi.

Pasien in ama gel thupha pie a, Pasien in ama gel kungah, “Cipha-in pung unlen leitung luodimin zo un; tuipi sunga ngate, vana leng vate, le leitunga gamta hinna nei zosie tungah thu nei un,” a ci hi.

A kipat cilin Pasien in vantung le leitung a siem hi

leitung in limlemel nei loin a hawmpi ahi a, tuaci’n khuomiel in tuipi thuh tung teng khucipin tui tungah Pasien’ Hlagau a gamta hi.

Tua ciengin Pasien in, “Khuovah om heh,” ci hi; tuale khuovah om pai hi.

Pasien in a siemsa na vannuoi en a, hoi a sa mama hi. Tuale nitah le zingmawng om a, a ni guhna ahi hi.

Pasien in tua khuovah hoi a sa hi; tuale Pasien in khuovah le khuomiel a khenkhie hi.

Pasien in, “En un, na tung vuah leitung maitang cin tenga om, a tang nei kungno zosie le a ga sunga a tang nei singkung zosie kang pie zo hi; note in an-in tuate na nei ding uhi.

Pasien in tua khuovah “Sun” ci a, khuomiel “Zan” ci hi. Tuale nitah le zingmawng om a, a ni khatna ahi hi.

Pasien in, “Tui le tui kikalah vanthamzawl khat om hinlen tui le tui khen heh,” a ci hi.

Tuale leitung ganhing zosie, vana va zosie, leitunga a bawhva zosie, hinna hu a nei zosiete tungah an dingin kunghing zosie kang pie zo hi,” a ci hi. Tua ma bangin a pieng pai hi.

Pasien in, “Sun le zan a khen dingin vanthamzawl ah khuovahte om heh; tuate khu khuohunte, nite le kumte ciemte nading hi hinlen

Tua ciengin Pasien in, “Leitang in singkung lopate posah hinlen, a tang nei singkungte, a ga sunga a tang om singga kungte, amau’ nam cietin leitungah po heh,” a ci hi. Tua ma bangin a pieng pai hi.

Tuaci’n Pasien in vanthamzawl bawlin vanthamzawl tunga tuite le vanthamzawl nei-a tuite a khenkhie hi. Tua ma bangin a om pai hi.

Leitang in singkung lopate amau’ nam ciet tawh kizui-in, khaici a nei lopate le amau’ nam ciet tawh kizui-in a sunga tang a nei a ga singkungte piengsah hi. Tua khu Pasien in hoi a sa hi.

Pasien in khuovah gol ni bawl a, khuovah a golzaw pen sun a uh ding, khuovah a neuzaw pen zan a uh dingin bawl a, aasite zong a bawl hi.

Pasien in, “Van nei-a om tuite mun khatah kikhawm hinlen, leigaw kidawh heh,” a ci hi. A ci bangin a pieng pai hi. Pasien in leigaw pen “Lei” ci a, tui kikhawmtuote pen “Tuipi” ci hi. Pasien in tua khu hoi a sa hi.

Pasien in amate thupha pie a, “Cipha-in pungin tuipi sung dim unlen, leitungah vate pung uheh,” a ci hi.

Pasien in, “Leitung in amau’ nam cietin hinna nei ganhingte piengsah heh. Amau’ nam cietin innsate, a bawhva ganhingte le gamsate pieng uheh,” a ci hi. Tua ma bangin pieng pai hi.

Tuale Pasien in, “Tuite in hinna nei ganhing honpite piengsah hinlen, leitung vanthamzawl ah vate leng uheh,” a ci hi.

Pasien in gamsa, innsa le a bawhva ganhing zosie amau’ nam cietin a piengsah a, tua khu Pasien in hoi a sa hi.