Suosittuja jakeita Raamatun kirjasta Jɔ̀ɔŋ 3

Jaa

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

“Anyùùŋ nyaŋ gbiŋ naŋ hààwè miàim wo Jɔ̀àfèlàà Dayaà sùà wɔ, wo Dayà naàŋ nyiìŋ jèè è keì. Kɛɛ anyùùŋ nyaŋ naŋ gè maŋhɛɛ wèè aŋ hààwè miàim wo Jɔ̀àfelaauŋ nɔɔ̀ŋ sùà nyaŋ, wo Dayà wò nyiŋ kìlìà kiti tɛ.

E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Tɔ̀ anyuùŋ zimgbe dòuŋ maŋjɛ̀wɛ, kɛɛ miàŋ, anyuùŋ kpàka aim dè maŋjɛ̀wɛ.”

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Wo Dèda wiɔ̀ Dayà manaŋ wo Jɔ̀àfelaauŋ nɔɔ̀ŋ, yèè wò nauŋ kìɛ̀ŋ e gààŋ manɛ̀ŋ maŋ gbiŋ diɛŋ.