Suosittuja jakeita Raamatun kirjasta JENESIS 11

Jaa

Go Yehovah e noa, P̃a leo, eu pei narei sikai maau, go eu mamau puti peani nagole sikai maau; go tea waia e pei tea waina eu atulake asa naga euga mari a: go ragi waia te navatuna sikai waina eu midoa ki nia naga euga mari a, ega wo da pei tea taeluaana ki ara mau. Ita, tuga siwo pano, po mari nagoleda ega vinovinoi tokora wanana, naga euga ta dum̃ada dogoatae nagoleda mau.

Go eu naga, Ita, tuga tum̃agida davagi natokoana sikai, go nasum̃a varau pakilagi sikai, go nap̃auna ega toko nakoroatelagi, go tuga tum̃agida manigida mari nagisa sikai; naga tuga ta pei tea taperaverakiana paki narae ni maramana mamau mau.

Nalakena tea wanogoe nagisana e pei tea sosoana ki Babel; nalakena Yehovah e mari nagole ni maramana mamau e pinovinoi tokora wanogoe: go Yehovah e daperavera ki da m̃elu dua ki tokora wanogoe paki narae ni maramana mamau.

Go maramana mamau e pei nagole sikai maau go navasaana sikai maau.

Go Yehovah e siwo umai naga ega vunusi natokoana go nasum̃a varau pakilagi, waina naatam̃oli natuda maga eu davagi a.

Go Yehovah e daperavera ki da m̃elu dua ki tokora wanogoe paki narae ni maramana mamau: go eu makoto ki natavagiana ni natokoana.