Suosittuja jakeita Raamatun kirjasta JENESIS 15

Jaa

Go e saralomau Yehovah; go e midoa ki nia naga ega maneana pei namarinaleoleanaana.

Ragi edaku ki naleo maga wanogoe navasaana ki Yehovah e umai paki Abram navunusiana sikai, po noa, P̃a ta mataku mau, Abram; kinau a pei nakokoro anigo, go namoriana warua liu anigo.

Go e piragi a paki katama, po noa, P̃a leo paki nakoroatelagi, po peve m̃asoe maga, ku pe veve atae ra: go e noa ki nia, e naga, naworaworam̃a euga wo dapalana.

Go p̃a leo, navasaana ki Yehovah e umai paki nia, po noa, Naatam̃oli wanogoe ega wo da peani p̃aumaso anigo mau; ma tea waina ega wo dave m̃elu dua ki namaritam̃a nae ega wo peani p̃aumaso anigo.

Go e noa ki Abram, e naga, P̃a atae m̃ata ki nia naga naworaworam̃a euga wo pei nam̃enaki atatoko navanua sikai waina e da pei tea adeada mau, po madeada suasua; go euga wo mari ra euga wo dogokitesa natau p̃onotia pati

Go Abram e noa, Talakeagu Yehovah O, p̃a wo dua au nasava? Go kinau a pano a dika natugu, go tea waina ega wo pei talakea ni nasum̃a aginau e pei Damaseko Elieser.

Naaleatia wanogoe Yehovah e mari navasasokiana sikai paki Abram, po noa, A po dua naworaworam̃a navanua waia, pae noaisara ni Ityipt pa pa paki noaisara warua, noaisara Eufrates

Go tagona kevati euga wo liliu umai paki nea: nalakena namarinaleotageleana ki naworawora ni Amor e ko da pura ragi waia mau.