Suosittuja jakeita Raamatun kirjasta Luke 13

Jaa

“Arrantherran arraty anemer. Mwanty atyeng iterrenh-arey, irrwerl Akngey-itwel aney-alpeyew. Ranap arriw tyet-angkwarr aylperl-anenty-apeny. Akngerran akethelarl rtnerl-aneyenh warl-itwew. Rernemap twetiwerrerl-aneyenh, kwen aylpeyew-anem.

Arelh arntety anyent anenh. Ran artep apmwa alhenh, nthekwern arratyerrey-angenh, arrangkw. Arrenty anyentel renh arntetyelew awank-akerr, aherrety 18-el. Jesus-el renh arew, rap arlkew-anem, ra apetyeyew. Rap angkew, “Irrepern ngan arelhampw! Atha arrenty ngkweng-wety irrentem.”

Rap arelh arnew itepel, rap anamerl-antey arratyerrenhey-alpew-anem. Arelh rap artewentyel inkwerelhew, Akngey nakemel.

Akngeyan ilkelhew, Jew-rnem-tangkwel ikwer iterreyew rlterrk. Rernemap ampep-they ipmelhew. Aleyan ingwer-rnemant-anem iterrem ikwer rlterrk. Rernem-tangkwel Akngey-itwel aney-alpeyenh.”

Warlew-arteyelarl arriw akenteyenh, ingwerenty nthakenh kwen aylpenhey-angenh, arrangkw. Arrantherr Akngey-warl-athek arraty aney-angenh-rnem, arrantherrap akethel rtnayntem. Arrantherrap arriwan rltar-atwerl-aneyenh ywarn-antey, ayernerl-aneyenh alakenh-anyem, ‘Atyetyartay! Arriw anewantherr altywerela!’ Warlew-arteyelan tyerneyenh, ‘Arrangkwaw! Athan arrenhantherrenh iterl-arey-angenh! Nthek-arenyarl arrantherran?’

Arrantherr apmwewety angkeperremer Akngey-warl, arrantherrap ilwewerr arrpemarl.”

Ranap tyerneyenh arrpemarl, ‘Rwengk, athan arrenhantherrenh iterl-arey-angenh, ayenh apentey-angenharl! Atha apmer arrewantherrenh iterl-arey-angenh! Arrantherr irrtywerremel ayenh apentenh, apmwel-ayeth anemel! Alpenh-arey atyeng-wety!’

Ingwer-ingwer Jesus-elan akngerr akalty-anthenh angka Akngey-akertew, rarl atyetyart aneyenh ingkerrenhew. Rap ayernew, “Nthakenharlap Akngey-wenh-rneman akngerrerrem? Ilek-apenyarlap rerneman? Rernemanap arwerl akely-apenyarl. Thip anyent arrernelhem, atharlkw arwerl ikwer-itwew mpwareyew. Arwerlarl ilkwerrem-warl thip akngerr-anem akarrerrem, atharlkw arwerl ikwer-itwew mpwareyew. Alakenh-anyem akngerr-anem akarrerrem Akngey-warl.”