Suosittuja jakeita Raamatun kirjasta Luke 22

Jaa

“Akngey atyenh, ayeng ilkelheyel, ntwa artwereleyew ahelengkw yanh-rnem. Ayenh irrwampenh-anthewerr, ipmew-antey atwemel! Ngarl ilkelhenty, rernem ayenh atwem, kel mwerrarl. Ayeng ngkweng awelhemarl. Ngkwenh-angkwarr mwerr.”

Athan ngkweng Akngey ayernew, Simon-ay, ngenh rlterrkeleyew. Atha iterl-areyel, ngarl atyeng-wety amenterrenheyenh. Ngarl atyeng-warl angkeperrenhey-alpeyenh, ntwap ingwer-rneman rlterrkel-aynta.”

Amern-anem ra inew, rap inkwerelhemel Akngey-anem nakew amern ikwer-akertel. Akaltheynemel akelyarl-akely ikwer-rnem antheynew angkemel, “Arlka atyenh nhenhan. Ingwer-rnemelarl arlka atyenh-anem artewenty arleny-arrerneyenh whip-el. Ayengan katy ilweyenh arrewantherr. Alakenhaym arrantherr amern arlkwerl-anem, atyeng iylpangkemel.”

Rernem tyenkerr arlkwew-penh, Jesus-el inew arrpemarl irrkwa ngkwarl wayn-akert, antheynemel angkemel-antey, “Arrnga thelemel katy ilweyenh ayeng arrewantherr, apmwa irrarlkenheyew. Akngeyel arretengelew, rarl anyent-anem arrenhantherrenh pweytelem ikwer-warl. Atharl arrnga thelem alakenh, Akngey arrewantherr angkem ingwer-rnemew-then, rarl apmwa irrarlkem arrewantherr ingkerrenh-they.”

Jesus-an arlka apmwerrenhew. Rap Akngey angkepelarreng ayernenh rlterrkel-antey irrkaty-angkwarr. Rlterrkel ayernenh-angkwarr, intyey-anem ikwer-they taltyaytnenh kwaty-apeny.

Atyetyart ahelengkw yanh-rnem-apeny aney-angenh. Anyentarl arrewantherr-they atyetyartan aneyew. Warrkenh-apeny nga anemer anyentant, 11 yanh-rnemew warrkerreyew. Ntwan arntarnt-aremer 11 yanh-rnem.

Jesus angkew, “Ileyel atha ngenh arraty. Tywek-tywek arlkeyew-alenty rlengk atemwengkel-antey, irrpety-inger nga ilelheyenh, ntwan ayenh iterl-arey-angenh.”