Suosittuja jakeita Raamatun kirjasta Lukas 9

Jaa

Nakua omo Puang Isa lako tobuda, “Ia to tolanturu'na', te'da nalanturu'i bang pakkaeloran penawanna, apa allo-allo la mpassanni kaju sitambenna, naturu' tarruhna'.

Nasaba' ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' moi la dibuno, iamo la nnampa' katuoan melo te'da cappa'na.

Apa nakua Puang Isa, “Ia to tau mangpamulamo manengko, apa messaile pole' opa lako boko', te'da nasipato' menjaji umma'-Na Puang Allataala.”

Apara bua'na lako tau ke naassang ngasanni tee lino, apa te'da naampa' katuoan melo te'da cappa'na?

Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”