Suosittuja jakeita Raamatun kirjasta Joanes 14

Jaa

Ek ati neigpa unyak ainyak ehelemia, ek alupai caua neigpa unyak ainyak: ekpu ahtai itai imi caua ainyak, ja inyi ti idivaig ineig er ahtai an nobohtan. Etmu jim ohocred inliinmopomia aijaua, um jim imtitaig.

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache

ETMU jim ohocred inliinmopomia aijaua: akumu asgeig irai Atua aijaua, um lep asgeig irak.

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Aien et leh niji tas alep unyak aien, um apos upene, et aiyu inliinmopon aien vai nyak: aien et aiyu inliinmopon aien vai nyak, et lep aiyu inliinmopoi Etmak vai yin, etpu lep aiyu inliinmopok ainyak vai yin, ekpu lep ehvai nyak ainyak ehelen.

Ekpu ugni Etmak ainyak, etpu alupai caua aien Natimi atau iramia inyi eche, va etpu amen ehelemia aien irai iji mesese; et Esgan inivaijec aien; et ehka va atimi an nobohtan inleh yin vaig, era eti ecet yin ara, um eti ato yin: ja eka ato yin aijaua; et eteuc ehelemia aien, etpu amen anliinmopomia aien.

Nitai iji eigki eka ugni aijaua an nidak, ekpu ago ainyak, va uhpu imyiahpas Etmak vai Inhal o un. Aku wit ugni tah nitai aijaua an nidak, ekpu ago ainyak.

El et aiyu inliinmopomia aijaua vai nyak, akumu imyiaiji niji tas alep unyak aijaua.

Et ahinag inuari-eom an neom o Etmak: el et eti eteuc, el ek mun asaig ehelemia ainyak: inki apan ainyak um yecrei inuarin imi caua

ek wit apan ainyak um yecrei inuarin imi caua, ja par lep ham, um leh caua imi nyak; mika aki amen aijaua an nuarin ineig ekpu amen iran ainyak

Is um ika ehelen a Tomas, Ak Natimarid, ecra eti ato aijama inuarin ineig an apan iran aiek; um lep ehka vai cama natovaig nefalaig.