Suosittuja jakeita Raamatun kirjasta Matthai 19

Jaa

Cuorasala Zingsuv ta iema kha mang yite, “Hingpa hing cawsaa cuota ca cuo khu vyi, cadyiseca Khazing cuota ca hmangting bangkhuo hing a cuo khu,” a ta.

Cacuonakawta iema ca pahning cuo va tli yi, pangkha tana ama cuo. Khazing ta a pahlawpa yi ca ahungtahmuo che kha yi se,” a ta.

Zingsuv ta, “A hruothu ningta Satuvpa ta canung hne capaa a sa tapa kha Caapathepa lie ri buo va ung cama? ‘Capanakaw cata capaa ta a paa hne a nung kha thuse'a yite a napuv hne amaa hlaw aa; pahning ca pangkha ta ama cuo aa.’

Cacuonakawta Zingsuv ta, “Haatiy kha i thaa luo a vaw yi se, thlu kha ung, tahematapakieca vuoruo pena ca hinghaapa zaw cuo hing tana a cuo,” a ta.

Cuorasala atalie hmaa a sapa a hluvpuv hing hnang chuo'a yite, hnang a chuopa a hluvpuv hing hmaa ama sa aa,” a ta.

Cakhutaa ahunghmuo cuose kama kawlieta ing cuose, a uvta a nuta cuose, a sieta cuose, a paa cuose, a nung cuose, a saata cuose, a lu cuose a thusepa ca ale zakha ta hmung pakhaa te, chuozaa hringna ru zaw a cu aa.

Zingsuv ta, “Cawsaa tlingpa na cuo khing kieca na hnyipa bangkhuo kha zaa la na hmungpa tuokaa kha a siypasapa tie pi tie yi, cacuokieca vuoruo lie sue na hnyi aa; cakhutaa a vaw la na ziy tie,” a ta.

Zingsuv ta “Khaapanakawma khaapama a pha tapa kaw ca ina hiehriy ciy? A phapa ca pakha kyalya dyina a aw. Hringna luo naa ngie khing kieca phungbie kha ziy tie,” a ta.

Ica chang pakhaa yi: Kala-uv sakha ciphang naakhue luo a ngiepa laata a hnyirungpa vuoruo pena luo a ngiepa a ruv vie,” a ta.

Ica chang yi: Ahunghmuota cuose, zangtluo a tla lina kawlie ri li pata a napuv kha ma te canung hrang hne a hlawpa ca nungvaathingsuena a tuepa tana a cuo,” a ta.

Cakhutaata Zingsuv ta ziytuv tie kha, “Biehmisipa tana ica chang yi: A hnyirungpa tie vuoruo pena chung luo a ngie riypa ca a ruv hringhruo.