Suosittuja jakeita Raamatun kirjasta Matthai 24

Jaa

Phalina kha a pungzaale nakawta duena a cakingle aa. Cuorasala a chuona te a ang khupa ca khuona a hmung aa.

Cakhutaa mingphang bangkhuo cuota tehte cuo riypata pena thuophaabie ca chuelyi khyzaa ta phupa a cuo aa; cakhutaa dyi tana a chuona ca a cuo aa.

Rie amaa tuvna thuohlaa hne rie amaa tuv'a nangpa thuohlaa kha nama thyi aa, cuorasala nama thlaa zang kha se. Cahaapa hmang ca ama aw aa, cuorasala a chuona ta cuo valie.

Mingphang phangkha hne phangkha, ruokha hne ruokha amaa tuv aa. Hmangting lieta cakuo tlung'a te, aling a siy aa. Hingpa hmang bangkhuo hing nu pazipa hne na a lu aa.

Vuoruo hne alyi ca ama ra aa, cuorasala kama bie ca khatiy tahmuo ra'a vyi.

Cawsaa hluvpuv i ming ta a vaw'a yite, ‘Messiah tana i cuo,’ ta'a yite cawsaa hluvpuv kha ama dung aa.

Cakhutaata niema kha hrisaa riypa hne thie riypata malie kuv luo aca pi'a yi. Kama kawlieta mingphang ting ta aca hue'a yi. Cawsaa hluvpuv ca ama zangna kha thuse'a yite, pakha hne pakha kha a lyi'a yite amaa hue aa. Cakhutaata profetpakhipa hluvpuv kha vya pya'a yite cawsaa hluvpuv kha ama dung aa.

Zingsuv ta, “A raaring ung, ahunghmuo a padung sa kha ung.

Cacuonakaw, niema zaw a raaring tie ung, tahematapakieca Cawsaa Saacapaa ca nama mangkhuo lina cuo lie tana aa vaw aa.

Cacuonakawta singvaasa pata aw tie ung, tahematapakieca khatiy ningcuo lieta ma nama Byipaapa a vaw aa tapa kha pachang va ungciy.

Cuorasala, ahungtahmuo capa ning hne cuo ca khatiy tama a cuo aa tapa kha pachang vayi; avuoming cuose, Saacapaa cuose, pachang vayi; Paa kyalya dyina a pachang.

Messiah pakhipa tie hne profetpakhipa tie kha vya pya'a yite, a cuo khu kietaca Khazing a tlaw ciepa zaw khahmuo dung riypata kharuehaa hmang lesapa hne pamangsana zaw kha ama tue aa.

Cawsaa Saacapaa a vaw riypa ca Noah chuo ning hmang a cuopa haa khatana a cuo aa. Tiypa-aa a tlung hluo, Noah palaw chung luo a ngiena te ta, cawsaa zaw ca ning dang yite, canung hne capaa zaw amaa chiy amaa hie, tiypa-aa vya tlung te a phya diy hluo te yi ta khaama a vya tlung tapa kha pachang vayi. Cawsaa Saacapaa aa vaw thueta ca cahaacatana a cuo aa.