Suosittuja jakeita Raamatun kirjasta Marka 13

Jaa

Niema kha kama ming kawlieta cawsaa bangkhuo ta aca hue'a yi. Cuorasala a chuona te ta a ang khupa ca khuo pata ama cuo aa.

Capa cuo ca khatiy tama a vaw aa tapa kha nama pachang li nakawta a raaring ungla singvaasa pata aw tie ung.

Bie ripa riypata zung luo acaa chiy tiy yi ta tuokhaatama bie ima ri aa tapa kha nama palung rie thyi pacie kha se. Cuorasala capa cuo lieta aca pi thathiypa yi bie kha ri tie ung, tahematapakieca a ripa ca niema cuo va ungciy, Thlaapa Pathe tana a cuo.

Vuoruo hne alyi ca ama li aa, cuorasala i bie ca li changchiy'a vyi.

“Cuorasala capa ning hne cuo kaw ca ahungtahmuo pachang vayi, vuoruo lie a awpa avuoming, a cuo li kie Saacapaa zaw ta pachang vayi, Paa pakha kyalya dyina a pachang.

Rie a tuvna zaw, rie a tuvna thuo zaw nama thyi tiyta nama thlaa zang kha se. Cahaapa hmang ca a tlung thluo aa, cuorasala a chuona cuo na a tlung tli tana cuo vyi.

Cacuonakawta a raaringsa pata aw tie ung tahematapakieca ing a hnyituvpapaa kha khatiy tama a vya chiy aa tapa pachang va ungciy, zuoluo a cuo li kie zuocang a cuo li kie aakhang ta, a cuo li kie mawdiy a cuo li kie namaa hmung chung tama tlangkhy aca vya chiyhnue'a yi. Ica changpa yi hing cawsaa bangkhuo zaw i chang ra yi, a raaring tie ung!”

Mingphang phangkha hne phangkha amaa du aa, ruokha hne ruokha amaa du aa, ruo ting ta aling a siy'a te, cakuo a tlung aa. Hing hmang bangkhuo hing nu a zi hruothuna haatana a cuo.

Cakhutaata mingphang bangkhuo kha thuophaabie changpa ama cuo taa aa.

Cawsaa hluvpuv kha i ming ta a vaw'a yite, Kama hingna Ama ta a cuo ang, ta'a yite cawsaa hluvpuv kha ama dung aa.

Niema zaw hrahring hing a raaring tie ung. Zung luo aca chiykhyi'a yite apungna-ing lie kha aca tuv'a yi. Kama kawlieta uvthyi tie hne siepahruo tie hmielie kha a daa'a ung cate iema'a lie kha tehte nama cuo aa.

Messiah pakhipa tie hne profetpakhipa tie vya pya'a yite Khazing a tlaw ciepa tie kha hmuo a cuo khu kie a hmuo lipa luopuv luo a chiy riypata kharuehaa hmang hne pamangsana zaw ama tue aa.

Capa ruvnaana ningkhue khutaa cata, ning ca zing'a te, thlaapa ca khe'a va tli. Aasiy zaw avuo taata za tla'a yite, vuoruo lie cahrana ca aa cahang aa.