Suosittuja jakeita Raamatun kirjasta Juan 5

Jaa

<<Rasunpami kayno nï: Wilakuynïta wiyar kachamaqnï Taytäman yärakuqkunaqa mana ushakaq kawaytami taripäkushqa. Paykunaqa manami infiernuman qaykushqatsu kanqa, sinöqa wanushqano kashqanpita mushuq kawaytanami taripäkushqa.

Tsay runa unaypitana qeshyashqanta musyarmi Jesús kayno tapurqan: <<¿Aliyayta munankiku?>>

<<Qamkunaqa mana ushakaq kawayta tarinaykipaq kashqanta yarparmi Tayta Diospa palabranta liyir yachakurkaykanki. Tsayno yachakurpis manami tantiyapäkunkitsu tsay qelqarashqankuna noqapita parlaykashqanta. Tsayno qelqaraykaptinpis manami chaskikärimankitsu. Chaskikamarqa mana ushakaq kawaytami taripäkunkipaq.

Tsayno niptinmi Jesús nirqan: <<¡Sharkuy! Kirmaykita apakurkur aywakuy>>. Tsaymi jinan höra aliyarkur kirmanta apakurkur kushishqa aywakurqan. Tsay junaq jamay junaqmi karqan.

Tsawraqa Jesús kayno nirqan: <<Rasunpami kayno nï: Tayta Diospa Tsurin kashpämi Taytä lapan rurashqanta noqapis ruraykä. Manami kikïpa yarpayniläpitatsu imatapis rurä, sinöqa Taytä rurashqanta rikashqalätami ruraykä.