Suosittuja jakeita Raamatun kirjasta Lir. 17

Jaa

Aburamu ne ali kimiiko kamakhumi tisa na tisa, Wele Owe bunyali bwoosi amubonekhela, mala amuboolela ali, “Ese ndi Wele Owe Bunyali Bwoosi, keenda ebweeni wase mala okhabakho ne liibi liosi liosi likila wekiichibwa tawe.

Lisina liowo se lilaba lundi bali Aburamu tawe, ne kakhali lilaba Aburahamu, sikila nakhukholile paapa owe chikholo chingali.

“Ndakhola endakaano yase akari wowo ne nase, ne lisaaye liowo enyuma wowo, mu selukho choosi chichiicha, ebe endakaano eya mindali, mbe Wele wowo lundi Wele we lisaaye liowo enyuma wowo.

“Nakholile endakaano yino ne nawe, ne olaba paapa owe chikholo chingali.

Nio Wele aboolela Aburahamu ali, “Tawe, ne kakhali Sara, omukhasi wowo, alakhusaalila omwana mala olimutiuukha oli Isaaka, ne ndiraao endakaano yase ne naye ne lisaaye liewe enyuma wewe.

Ne ndikhua sibala nisio olikho omenyamo nga omukwa, ne enyuma wowo ndiia lisaaye liowo sibala sioosi sia Kanaani, sibe sisiabwe mindali na mindali. Ndaba Wele wabwe.”

Nio Aburahamu akwa mafuumala mala achekha ne elomela ali, “Omundu owe kimiiko emia ndala anyala khusaala omwana ku? Sara anyala asaala omwana nga ali ari ne kimiiko kamakhumi tisa?”

“Ne khukhwama luno okhalaanga omukhasi wowo oli Sarai tawe ne kakhali lisina liewe lilaba bali Sara.

Mulakhebwa kamafuunga kenywe, mala silaba simanyisio sie endakaano akari wase ne nanywe.

Ne kakhali endakaano yase ndikikhola ne Isaaka, niye Sara akhakhusaalile, mu sise sino kumwiiko kukwiicha.”

Mukhebe buli mwana owe sisoleeli owe chindaalo munaane mwinywe, mu selukho chenywe choosi. Akhaba nasioobi oosalwa mungo, namwe owakulwa ne chirupia, khukhwama khu mureende yesi yesi ookhali owe lisaaye lienywe tawe. Nasioobi owasaalwa munju yenywe namwe owakulwa ne chirupia chenywe alakhebwa. Nio endakaano yase elaba mwinywe khulwa mindali.