Suosittuja jakeita Raamatun kirjasta Gyenesise 17

Jaa

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Bɛngɔfrɛ wɔ Abram ko, na mmom bɛkɔfrɛ wɔ Abraham, ofikyɛ mayɛ wɔ maen maen pee bɛ baba.

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

“Tie, me de, m’apam bɔ me ne wɔ yayɛ hɔ ɛhe: ɛkɔyɛ maen maen pee bɛ baba.

Nakoso Nyameɛ sele kyɛ, “Daabi, ɛye Sara kɔwo baa bienzua kɔma wɔ, na ɛkɔto ye dumaa Yisake. Me ne ye yɛkɔyɛ m’apam maa ɔkɔyɛ apam afebɔɔ kɔma ye boso ama.

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Afei Abraham fale ye nyunu butuli berɛ, na ɔserele, na ɔhane ye ye ti anu kyɛ, “Aso bienzua bɔ wali afoɛ ɛyaa kɔhora kɔwo baa? Sara bɔ wali afoɛ aburahona ye, aso ɔkɔhora kɔwo?”

Na Nyameɛ sele Abraham kyɛ, “Ɛye Sarae de, nnɛfrɛ ye Sarae ko, ye dumaa ole Sara.

Odi kyɛ ɛmɔpɛ ɛmɔ bienzua, na ɛhe yeɛ ɔkɔyɛ apam bɔ ɔwɔ me ne ɛmɔ afia ne nwo sɛngyerɛnneɛ ɔ.

Nakoso m’apam ne de, Yisake bɔ afoɛ bieku bekye sɔa ala né ɛne Sara bawo ye ne, yeɛ me ne ye yɛkɔyɛ ɔ.”

Na ɛmɔ aworɛ ndoatoasoɛ mukoraa nu, sɛ bienzua biala di ɛlɛbɔtwɛ a, odi kyɛ bɛpɛ ye bienzua. Yeɛ sɛ bɛwo kanganiɛ wɔ w’awuro, anaa ɛfale sikaa tɔle ye fili amanvraniɛ biala, bɔ nna wɔ nwoniɛ ahɔ berɛ a, odi kyɛ ɛpɛ ye bienzua. Sɛ bɛwole ye w’awuro oo, sɛ sikaa yeɛ ɛfa tɔle ye hɔ oo, odi kyɛ ɛpɛ ye bienzua. Na ɛhe kɔma m’apam ne kɔtena ɛmɔ nwonaen nu afebɔɔ.