Suosittuja jakeita Raamatun kirjasta Gyenesise 50

Jaa

Ɛmɔ de, ɛmɔambena me ne paa, nakoso Nyameɛ nhyehyɛleɛ maa ɔkakyili paa; kyɛ ɔnate so okole mmeni pee ngoa, kyɛbɔ afei wala ali ye.

Nakoso Yosef sele bɛ kyɛ, “Nnɛma ɛmɔsuro. Aso ngɔhora ngole Nyameɛ adwuma ngɔyɔ anaa?

Yiti nnɛma ɛmɔsuro, na ngɔnea ɛmɔ ne ɛmɔ mma mɔ.” Yiti ɔkyekyele bɛ wora mane bɛ kunu tɔle bɛ fɔnwoo.

‘Ɛ́mɔhã behyire Yosef kyɛ, mesrɛ wɔ, fa eliɛma mɔ amumuyɛɛ ne bɛ bɔne kyɛ bɛ, ofikyɛ bɛyɔle wɔ tɛɛ paa.’ Yiti afei, yɛsrɛ wɔ, fa wɔ baba ye Nyameɛ ngoaa mɔ b’amumuyɛɛ kyɛ bɛ.” Na bɛhane ɛhe behyirele Yosef ne, osuni.

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

Yosef mane Yisrael mma nemɔ tale ndaen hyirele ye, na ɔhane kyɛ, “Nyameɛ kɔɔye ɛmɔ kofi wa. Na sɛ ɔba ye sɔ a, ɛ́mɔsoa me mmowue béfi wa bɛhɔ.”

Yiti Yosef wuli, mmerɛ bɔ né wali afoɛ ɛyaa ko ne buru ɔ. Bewurale ye ayire bɔ wamma wamborɔ ɔ, na bɛfale ye bɛtole alaka nu wɔ Misraim.