Suosittuja jakeita Raamatun kirjasta यहून्ना 14

Jaa

“हांऊँ तुस्सा जो सांति देहां, हांऊँ आपणी सांति तुस्सा जो देहां। ये से सांति नी जेह्ड़ी संसार देहां, तेह्ड़ा हांऊँ नी देंदा: तुस्सा रा मन ना दुआस होर ना डरे।

यीसूए तेस किन्हें बोल्या, “पैंडा होर सच्चाई होर जीवन हांऊँ ईं आं; मेरे बगैर कोई बापू वाले नी पूजी सक्दा।

यीसुए तिन्हा किन्हें बोल्या, “तुस्सा रा मन दु:खी नी हो, तुस्से परमेसरा पर विस्वास रख्हा ऐ, ता मेरे पर भी विस्वास रखा।

पर मेरे बापू मेरे हका ले पवित्र आत्मा भेजणी, जो तुस्सा री मददगारा ई। तेस तुस्सा जो सभ गल्ला दसणी, होर जो कुछ मैं तुस्सा किन्हें बोलिरा तेस तुस्सा जो याद कराणा।”

जेस मेरे हुक्मा जो जाणहां ऐं, होर से तिन्हा जो मन्हां ऐं, सेई मेरे किन्हें प्यार रख्हा। होर जो मेरे किन्हें प्यार रख्हा, तेस किन्हें मेरे बापू प्यार रखणा, होर मां तेस किन्हें प्यार रखणा, होर आपणे आपा जो तेस पर जाहिर करणा।”

होर मां बापू ले प्रार्थना करणी कि, से तुस्सा जो दूजा मददगार दे, ताकि से हमेसा तुस्सा साउगी रहे। से पवित्र आत्मा ई जो आस्सा जो सच्चाई पर लई जांहीं। जेस जो संसारा रे लोक ग्रैहण नी करी सक्दे, क्यूंकि लोके ना ता से देखीरी, होर ना तेस जो जाणहां। पर तुस्से तेस जो जाणहां ऐं, क्यूंकि से तुस्सा साउगी रैंहयां, होर तेस तुस्सा मन्झ हूंणां।

होर जो कुछ तुस्से मेरे नांऊँआं ले मान्घगे, तेह्ड़ा ई मां करणा ताकि मह्ठे रे ज्रीए बापू री बड़ाई हो। अगर तुस्से मेरे नांऊँआं ले कुछ भी मान्घगे ता मां से करणा।”

“अगर तुस्से मेरे किन्हें प्यार रख्हा ऐं, ता तुस्सा मेरे हुक्म मनणें।

मेरे बापू रे घरा मन्झ रैहणे रे कठे बौह्त जगहा ई। अगर जगहा नी हुन्दी, ता मां तुस्सा किन्हें बोली देणा था। क्यूंकि हांऊँ तुस्सा रे कठे जगहा त्यार करणे रे कठे जाया करहा।

होर अगर हांऊँ जाई किन्हें जगहा त्यार करूं, ता दबारा वापस आई किन्हें मां तुस्से आपणे साउगी लई जाणें, ताकि जेथी हांऊँ रहूं तेथी तुस्से भी रहो।

थोमे तेस किन्हें बोल्या, “हे प्रभु, आस्से नी जाणदे कि तू केथी जाहाँ? ता पैंडा किहाँ जाणी सक्हा ऐं।”