Suosittuja jakeita Raamatun kirjasta यहून्ना 2

Jaa

यीसूए गलील जिल्ले रे काना गांऊँआं मन्झ आपणा ये पैहला चिन्ह दसी किन्हें आपणी महिमा दसी। होर तेसरे चेले तेस पर विस्वास कितेया कि से ही मसीहा आ।

यीसूए तेस्सा किन्हें बोल्या, “माऊए, तू मुंजो किधियो दसदी लगिरी? हल्ली मेरा टैम नी आया कि हांऊँ मसीहा कहलाया जाऊँ।”

यीसूए तिन्हा किन्हें बोल्या, “घड़े मन्झ पाणी भरा।” तेबे तिन्हें स्यों हाण्डू रे मुंहा तक भरी दिते। तेबे यीसूए नौकरा जो बोल्या, “ऐबे थोह्ड़ा पाणी काढी किन्हें धामा रे मुखिये वाले लई जा।”

यीसूए तिन्हा जो जवाब दितेया कि, “एस मन्दरा जो ढाई देआ, होर मां ये त्रीजे ध्याड़े मन्झ दबारा बणाई देणा।”

होर तिन्हें रस्सिया रा कोड़ा बणाई किन्हें सभ भेडा होर बोल्ह्द मन्दरा ले काढी दिते, होर अदला-बदली करणे वाले रे ढब्बे सटी दिते, होर बैठणे री पीढ़िया पलटी दिती। होर कबूतर बेचणे वाल़ेया किन्हें बोल्या, “इन्हा जो एथी ले बाहर लई जा। मेरे बापू रे घरा जो वपारा रा घर नी बणाऊआ।”