Suosittuja jakeita Raamatun kirjasta JƆN NSENDƐ 3

Jaa

Apuma atata, hima bi ŋchɔmalen ŋhɔkay o theliaŋ day kɛ ki jalihay ni rɔŋday.

Ka lanɛ kiay hi si ŋchɔmalen, Jisɔs wɔŋ ihɔlɔŋ wɔɛ ha hin; ni hin bɛ hi ha wɔŋ hɔlɔŋ thihiɛ ha anya hiɛ.

Ke ŋchɔmalen mbomdɛ ma Baaɛ koŋ hi kaɛ, chelɛ pɔ hi velɛ apuma Hɔbatokɛ; ni vɛ hiɛ. Yendɛ ŋɔ bi hɔlɔɛ hɔ si hi niɛ haliwɔ hɔ si wɔni.

Nɔɛ gbi wɔ ha gbo iwɛiɛ wɔ ha min dɛ; haliwɔ min dɛ koŋ ha iwɛi hiŋg tipɛkɛ. Yendɛ hɔ bi Tak Hɔbatokɛ ka toŋgini ha simi mpanth ma min dɛ.

Nɔɛ gbi wɔ Hɔbatokɛ gbemdɛ chen ha iwɛi; haliwɔ che Hɔbatokɛ kɔwɔay, ni chen bɔ ha iwɛi haliwɔ wɔ gbemni Hɔbatokɛ.

Kɛ yɛ nɔ gbi bi gbo ŋyek ma hɔlɔɛ ni ke pɛnte wɔɛ biɛni, kɛ kathaliya gbɔl wɔɛ ŋa wɔn, hɔ ŋchɔmalen ma Hɔbatokɛ ma che wɔnaya?

Ŋanɛ gbi ŋa yɛthiɛ gbo saba thi wɔɛ ŋa wɔnay, ni wɔn wɔ hanay. Ni ka lanɛ ki hi siɛ lɛ wɔ hiay, ka Min Charaŋdɛ ŋɔ koŋ hi kaɛ.

Ka lanɛ ki ŋanɛ ŋa apuma Hɔbatokɛ ŋa bɔ keni, ni ŋanɛ ŋa apuma min dɛ; nɔɛ gbi wɔ hani gbo tiŋtiŋ dɛ, ni nɔɛ gbi wɔ chɔŋɔni pɛnte wɔɛ len dɛ cheni ha Hɔbatokɛ.

Haliwɔ wom dɛ lɔki lɔ ŋa koŋ theɛ hiŋg tipɛkɛ, lɛ hi ha chɔŋniyalen

Ŋa ma kabani, anya mi, lɛ hɔlɔɛ mith nɔ.