Suosittuja jakeita Raamatun kirjasta Ɖúù 21

Jaa

Ɓě mɛ nì ɓɛ́ɖɛ́ kɔ̃ ti séín. Ɓě mɛ ɓaà, ɓɛ́ ɓě ké kpé ɓéɖé, ɓɛ́ ɓě ké ɖɛ séín ɓě mu kpáùn wɛ̃ɛ xwaún pó, ɓɛ́ ɓě ké mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ dyúa dyi nyànà.”

“Ɓě mɛ màìn ɓě mìɔùn mú. Ɓěǐn ɖá ɓɛ́ ɓěɛ̀ hwòɖǒ ké hwɔ-pa-pa kè nɔmɔɔ-ná-ná ɔ kè ɖɛ ɓě ɓɛ́ nyɔ ɓě poìn jè hwìɖǐi mìɔ nɔ̄ ɓóɖó-kpàà kɔ̃ɛɛ jè gbo kɔ̃̀ mìɔ, ɓɛ́ wéa ní kɔ̃̀ ɖà ɓě kɔ̃ún gèìn wàɖà kà xwáɖá-gbǎ-mú kpɔ̃à nyɔɛ.

Ɓě mɛ ku hwòɖǒ kánáá pū, nìí, ɔ muɛ nyuùn ɓɛ́ ɓě ké ɓěɛ̀ fɛ̀ɛ̀ɔ̀ póìn.

Sepóɛɖé ní mu ɓě wɔ̃ kè fɔ̀nɔ̀-hwòɖǒ nyíìn, ké ɓěɛ̀ mú-nyɛ́-nyɔ̀ ɓěɔ̀ wɔ̃ se ɓě ɖuɛ ɓɛ́ǐn mu, ké wa se ɓě gbo dòǐn zàà ɓɛ́ǐn mu.

Dyɔɔ̀ kè ɓóɖó-kpàà mu dyi ziìn, kɛɛ ní wuɖu ɓěɔ̀ se dyi ziɛ́ mu.

“Ɓó tia ɓaɖaa, ɖàɓàìn-ɖɛ̀ ɓě mu ɖé dyóɖóɔ̀ kè dɛ̀nɛ̀ɔ̀ ɔ kè dɛ̀nɛ̀ mɛ́nɛ́ɛ́ ɓěɔ̀ mú nììn. Ɓóɖó-dù ɓě nì dà ɓóɖó-kpàà kɔ̃ɛɛ se ɖɛ ɓě ɓɛ́ wa ké nyuɛɛ dyí dyuòɛ̌ mu. Wa mu dyóóɔ̀ kuɖu-wùɖù kè dyóóɔ̀ jɛ̀ɖɛ̀-jɛ̀ɖɛ̀ fɛ̃̀ìn. Nyɔ ɓěɔ̀ dyi ɖɛ ɓě mu ɓóɖó-kpàà kɔ̃ dyiìn nyɛɛ fòɛ̌n nìǐn, fã̀à mu wa nyuùn, ɓɛ́ wa ké kṹún kpá, sepóɛɖé ɖɛ séín nì ɖé dyɔɔ̀ dyíɛɛ mu dyi túòùn. Nìí, wa mu mɔ̄ Nyɔǔn-dyùɛ̀ Dyú-gààɔ̀ dyéìn, ɓɛ́ ḿ ké ní-kpò ɖò mú dyìɛ̌n nì ɖé kpé kè dĩ́ín-dĩ̀ìn vɛ̀nɛ̀ mú.

Nyɔǔn séín mu ɓě mú nyɛ́ìn ɓó ní jè

Ɓóɖó-kpàà dyi-túò-túò vɛ̀nɛ̀-vɛ̀nɛ̀ ɓě mu nììn, ké mɔ́ mu kpáùn, ké wɛ́-dù kò-kò ɓě mu nyɔǔn-dyù kpɔ̃ùn ɖé dà pàɖǎ ɓě. Fã̀à-ɖɛ̀ ɓě mu kpáùn, ké ɖàɓàìn-ɖɛ̀ vɛ̀nɛ̀-vɛ̀nɛ̀ ɓě mu ɖé dyɔɔ̀ dyí nììn.

Ɓě dyi to ɓě xwɛ̃́ìn dyiɛ kè ɖíɛ́ ɓě tɔ̀mɔ̀ gboɛɛ bɔ̃̌ wɔ̃́ ní, nìí, ɓě ní ɖá ɓɛ́ ɓě ké fɛ̃̀ìn. Ɖɛ ɓěɛ̀ ɓéɖé wa ké kpá kĩ́ín, kɛɛ nìí, ɖɛ séín mánáín-hwɛ̀ìn-naín séè ɓó nyini ke.” Ké ɔ cɛ̃ɛ ma wa gbo ɖe, ké ɔ ɖá, “Ɓóɖó-dù ɓě mu gbo vɔ̃ǐn nììn, ké kã́á-ɓòɖò ɓě mu gbo vɔ̃ǐn nììn.

“Ɓó tia ɓaɖaa, ɖàɓàìn-ɖɛ̀ ɓě mu ɖé dyóɖóɔ̀ kè dɛ̀nɛ̀ɔ̀ ɔ kè dɛ̀nɛ̀ mɛ́nɛ́ɛ́ ɓěɔ̀ mú nììn. Ɓóɖó-dù ɓě nì dà ɓóɖó-kpàà kɔ̃ɛɛ se ɖɛ ɓě ɓɛ́ wa ké nyuɛɛ dyí dyuòɛ̌ mu. Wa mu dyóóɔ̀ kuɖu-wùɖù kè dyóóɔ̀ jɛ̀ɖɛ̀-jɛ̀ɖɛ̀ fɛ̃̀ìn. Nyɔ ɓěɔ̀ dyi ɖɛ ɓě mu ɓóɖó-kpàà kɔ̃ dyiìn nyɛɛ fòɛ̌n nìǐn, fã̀à mu wa nyuùn, ɓɛ́ wa ké kṹún kpá, sepóɛɖé ɖɛ séín nì ɖé dyɔɔ̀ dyíɛɛ mu dyi túòùn.

Ké ɔ cɛ̃ɛ ma wa gbo ɖe, ké ɔ ɖá, “Ɓóɖó-dù ɓě mu gbo vɔ̃ǐn nììn, ké kã́á-ɓòɖò ɓě mu gbo vɔ̃ǐn nììn.

Ké Jízɛ̀ cɛ̃ɛ ma wa gbo, ké ɔ ɖá, “Ɓě mɛ ma mú, ɓɛ́ nyɔ ɖò ní kɔ̃̀ ɖà ɓě cá. Sepóɛɖé nyɔ pàɖǎ mu dyiìn, ɓɛ́ wa kéɛ cɛ̃ kà wa mɔ̀ mɔ̄ kɛ kè kà tiɔ̀ ɖǎ dyi xwɛ̃́ìn nyɛ. Ɓě ní sí wa kíɖíí.