Suosittuja jakeita Raamatun kirjasta Jɔ̀ɔ̌n 14

Jaa

Ně bo wnawna nɛ̀ Ě siɔ a slè, Ně ně bo wnawnaà Ě nye amoo ɛ se je wǒ kmɔ̌ɔ ně bo wnawna ɛ nye ɛɛ nyopò. Ke ɛ toon jleě mǒ bo Ě nye amoo ně bo wnawnaà, dɛ wùɛɛ kèjle bɛɛ̌ ni amo plě baǎ pe dɛ wùɛɛ fano.

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

È kě Jùsu dɛ̌a Ɔɔ mɔ̀ cheěn nyoǒ je Ɔ je, “Kèjle bɛɛ̌ ni amo, ba po Nyesoaa tè kàan tè, è ba po Ně tè kàan tè.

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

È nyopòà ü noɛɛ Mǒo mǒ nù moo nyopò ü blěe Ně teteǎǒ kwa klee ü tùiǒ ii bo. Ně Gbeǐ mi nyu wùɛ ɔ̈ noɛɛ Mǒo mǒ mǒ noɛɛma plě Ě mi nyuǒ mǒ noɛɛma ke Ě mǐ Ně chɛ̀ pepě mǒ po keǒ ɔmo nyuǒ mɔ̀.”

È Ě mi Ně Gbeǐ wan gbàba Ɔ mǐ Wlò Wlòmo Ble Tùɔ̌ dbo kělɔ a mɔ̀ Ɔ̈ miě amoo mɔ̀ nema tǐ wùɛ mɔ̀. È Nyuǒ Ɔ mii dboba Nɔ̀ moo kàan tè le boɔ Sùsu. Kpni kukwǐ nyoǒ neěe kmɔ̌ wlòmo u slě wɔ̀ bu po Ɔ nɔkǔ jebo. Mɛ̌oǒ joo nɛ̀ moo uǔ jě Ɔ plě u se Ɔɔ tè ji, kɛɛ Sùsuǒ Ɛ neě a mǒ no plě Ɛ miě bo nema, nì kɔn tè a ji Ɛle.

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le. Bɛ̌ nu dɛ wùɛ bǎ gbà wan klě Ně nynɛ̌ wlòmo Ě mi ɛ numa keǒ a mɔ̀.”

È kě Jùsu dɛ̌a u je Ɔ je, “Bɛ̌ nu bǎ noɛɛ neě mǒ, è ba tùǒ Ně teteǎ bo.

Blè fòfoa nì neě Ně Gbeǐi koǔ bo, bɛ̌ see bò nu, Ě see amo tmɔɔ̌ no ɛ̈ moo Ě mi ni Ě mǐ tùɔn mɔ̀le wɔ̀ keǒ a mɔ̀.

Bɛ̌ nu Bo mu de klě Ně Gbeǐ mɔ̀, Boǒ wɔ̀ tùɔn mɔ̀le keǒ a mɔ̀, Ě mi de diba Ě mǐ a kpa a miǒǒ gbàa bo ne ɛ̈ di ɛɛ numa tà Ě neěe a mǐě ne.

È kě Tɔmɔ̌se dɛ̌a Ɔ je ɔ je, “Koɔn, ä se tà mìě jii chɛ̀. È ke ä miǐ kɛ snǔǒ jijiɛ numa?”