Suosittuja jakeita Raamatun kirjasta MATIUS 11

Jaa

Kamaimo ri ja'iku, komi pura-pura to nalengemo bo to nanggeni ntomo. Aku mboto manggabasaka panggenimu.

Tukimo parentaku pade pegurumo ri ja'iku, pade komi kana masana raramu. Sabana Aku nalusu bo naede raraku.

Parenta-parentaku da'a nakaja ratuki, pade panggeni to kuwai ka komi nanga'a.”

Naopu etu nanguli wo'umo Yesus, “Mpengele-ngele niwai Umaku ka Aku. To mpu'u-mpu'u nosinjani ante Aku, Ana nu Alatala aga Umaku Pue Alatala. Da'a ria tau ntanina. Pade to mpu'u-mpu'u nosinjani ante Umaku aga Aku, Anana bo isema-sema kupodota mompopanjani I'a ka ira.

Sangga nangepe pompekutana etu nesonomo Yesus ka ira, “Panjilimo komi mpaka ri ja'i Yohanes pade uli ka i'a pura-pura nuapa to niepe pade nikita komi ri se'i. Tau naburo namala nekita, tau napunggu namala nolumako, tau naju'a bete nipakabelo bali, tau nabongo namala neepe, tau namate nipakatuwu bali, pade Kareba Belo nggari ja'i Alatala nipatolele ka tau napakasi.

Isema-sema naria talingana, epemo mpakabelo-belo tesaku e'i!