Suosittuja jakeita Raamatun kirjasta YESAYA 61

Jaa

Kawasa i TUHAN Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion. Sia in nopotabá kon inakó sin mopohabar kon naadon in wakutunea ki TUHAN moposaḷamat; sin moḻipoi kon bayongan inta kinopatoian, bo motuḻí kon musung mita monia; sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i TUHAN. Mosia in mogaidbí kon onu inta mopia bo mobanar, dá ki TUHAN in poḷantudon.

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

Yerusalem in noguman, “Moḷunganga in ginaku popisí in ki TUHAN, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i TUHAN kon inakó ḷambung kasaḷamatan bo kountungan.

Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

Naonda bo bibit inta inambor mobiag mobaḻí pinomuḷa, natuata in ki TUHAN Allah nopobiag in kasaḷamatan bo bayongan in bangusa modayow kon i-Nia.”

Moiko in tangoionbí mogogundoi i Allah bo tangoion imang i TUHAN naton. Moiko in mokaanbí kon kaoyúonan in bangusa mita bo mopia in gina popisí in kapunyaan monia.

Ki TUHAN in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.