Suosittuja jakeita Raamatun kirjasta YOHANES 1

Jaa

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah

Nongkon pinomangkoianpamai, wakutu in dunia naa diápa pinomia, Pirman i Allah tatua in koyongan bidon oyúon. Pirman i Allah tatua in koyotaki-takin i Allah, bo Sia-Siakabí in ki Allah.

Bayag tatua in nonindar kon sindip, bo Sia in diábí kokawasaan in sindip tatua.

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

Bayongan in yagi-yagi pinomia pinodoyon kon i-Nia, bo nongkon bayongan inta oyúon, diábí in tobatúmai in pinomia diá pinodoyon kon i-Nia. Pirman tatua in pangkoi in kobiagan, bo kobiagan tatua inta monimbayag kon intau.

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

Pirman tatua in naadon kon dunia, Siabí tua in nomia kon dunia naa, táe dunia in diábí nonotaau kon i-Nia. Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

Bayag totokanea inta monimbayag kon bayongan in intau, mamangoi in dunia.

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.