Suosittuja jakeita Raamatun kirjasta Jan 16

Jaa

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Ke sok sut yóm Tulus Dwata, gotu hetngónen kuy yóm ktahuhen lemwót gu bè Dwata. Laen kô dù là hetngónen du kuy. Ne laen kô dù lenbù tulónen. Són olo tulónen yóm deng gungolen gu bè Mà. Ne hetngónen kuy se yóm angat sut hulin kdaw.

Efet ni ne, laen deng hni ye bè Dwata he ke hlan ye bè dou boluy. Mni ye dé, kaem tódô blayen kuy anì hol gsengel yóm kligal ye.”

Okóm tódô tulónu kuy ktahuhen,” mon Jisas. “Tey hyu bélê ye nim kuléku ni. Ke là muléke, là kóen angat sut bélê ye yóm mò tmóbóng kuy. Okóm ke muléke, yó he khógówu du edini bélê ye. Ke sok sut,” mon Jisas, “angat gotu hdilóen kem tau là hemtahuhen yóm kegsalà le. Ne angat hdilóen kul snéen yóm lan tedeng, ne bud hdilóen kul se yóm angat ktafak Dwata kul.

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó. Bè yóm kdaw yó, là bud wen hni ye béléu ne. Tódô tulónu kuy ktahuhen,” mon Jisas, “balù kihu hni ye bè Mà hlan ye bè dou boluy, tódô blayen kuy.

Tódô tulónu kuy ktahuhen,” monen, “angat tey sidek kedlumu ye mkik, okóm fen le hligal kul yó kem tau là hemtahuhen. Angat tey sidek klangag ye, okóm bud mulék kligal yóm klangag ye yó.