1
Rom 2:3-4
Chuukese Bible
CHK
Nge en pwii, ka püsin föri ekei sokun föför ka apwüngü ekoch won! Ifa usun, ka ekieki pwe ka tongeni sü seni än Kot apwüng? Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?
Vertaa
Tutki Rom 2:3-4
2
Rom 2:1
En pwii, ifa usun, ka apwüngü pwal ekoch? Esap fokun wor om künetipingen, ese lifilifil ika en iö. Pun lupwen ka apwüngü ekewe ekoch, nge mürin ka föri ekewe sokun föför usun chök ir, ka püsin atipisuk.
Tutki Rom 2:1
3
Rom 2:11
Pun Kot esap lifilifil aramas lon an apwüngüür.
Tutki Rom 2:11
4
Rom 2:13
Pun ekewe aramas resap küna pwüng mwen mesen Kot ren ar rongorong ngeni ekewe Allük, nge ren ar apwönüetä pwüngün ekewe Allük.
Tutki Rom 2:13
5
Rom 2:6
Pun Kot epwe liwini ngeni aramas meinisin liwinin ar föför.
Tutki Rom 2:6
6
Rom 2:8
Nge pwal ekoch ra chök kütta püsin feiöchür, ra oput mine a let o ra föri mine ese pwüng. Iwe, Kot epwe tinatiu an song me lingeringer wor.
Tutki Rom 2:8
7
Rom 2:5
Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.
Tutki Rom 2:5