Suosittuja jakeita Raamatun kirjasta Rom 5

Jaa

Nge Kot a pwäri ngenikich ükükün an echenikich, pwe lupwen sia chüen nonom lon tipis, Kraist a mäla fänäsengesich.

Ei apilükülüköch esap alichipwüngükich, pun Kot a iselong lon letipach an we chen ren ewe Ngünmifel, ewe i a lifang ngenikich.

Nge sap iei chök, sia pwal pwapwaäsini ach kewe riaföü, pun sia silei pwe riaföü a afisätä ach tipeppos, nge ach tipeppos a atoto manauöch mwen mesen Kot, nge ach manauöch a afisätä apilükülüköch.

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist. Ren ach lükülük, Kraist a emwenikichelong lon än Kot ümöümöch, iei sia manau lon. Iei mine sia pwapwaäsini ach apilükülüköch ngeni ewe ling Kot epwe ngenikich.

Pun lupwen sia chüen nom lon ach apwangapwang, lon ena fansoun Kraist a fen mäla fän iten chon föföringau.

Iwe, ren chaan sia küna pwüng me ren Kot. Nge epwe le fen ifan me watten an amanauakich seni än Kot song!

Pun usun aramas meinisin ra tipis pokiten än ewe eman mwän aleasolap, ina chök usun chomong aramas repwe pwal küna pwüng me ren Kot pokiten än ewe eman mwän aleasochis.

Nge sap iei chök, pwe sia pwal pwapwa lon Kot pokiten ach Samol Jesus Kraist a achäfengenikich me Kot.