Suosittuja jakeita Raamatun kirjasta Zã 1

Jaa

La b kõo neb nins fãa sẽn deeg bãmba, la neb nins sẽn tẽed bãmb yʋʋrã noor tɩ b lebg Wẽnnaam kamba.

Hal sɩngr wẽndẽ, gomdã dag n beeme, la gomdã dag n bee ne Wẽnnaam, la gomdã yaa Wẽnnaam.

Vẽenemã yãga lik pʋgẽ, la likã ka reeg-a ye.

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba wã nengẽ, la b pida ne bark la sɩda.

B naana bũmb fãa ne bãmba, la bũmb ka be sẽn naane, tɩ ka yɩ ne bãmb ye. Vɩɩm dag n bee bãmb pʋgẽ, la vɩɩmã dag n yaa vẽenem ninsaalbã yĩnga.

Vẽkembeoogo, a Zã yãa a Zezi sẽn wat yẽ nengẽ, n yeele: Ad Wẽnnaam Pe-bilã, sẽn yiisd-a dũni yel-wẽnã.

Gomdã dag n bee dũni pʋgẽ. B naana dũni wã ne bãmba, la dũni ka bãng bãmb ye. Bãmb waa b meng nebẽ, la b nebã ka reeg bãmb ye.

Vẽen-kãng yaa sɩd vẽenem, n wa dũni pʋgẽ n vẽnegd ned fãa.

Bala, b tũnuga a Moyiis n kõ tõogã, la barkã ne sɩdã tũnuga a Zezi Kirist n wa.