Suosittuja jakeita Raamatun kirjasta A Zã koe‑noogo 4

Jaa

Wẽnnaam yaa Sɩɩga, la yaa tɩlɛ tɩ neb nins sẽn pʋʋsd bãmbã na pʋʋs ne b sɩɩse, la ne sɩda.»

La wakat watame, la yaa moasã, tɩ tõnd ba wã waoogdb sɩd-sɩdã na n waoog bãmb ne b sɩɩse la ne sɩda. Bala, yaa waoogdb a woto buud la tõnd ba wã baooda.

La ned ning fãa sẽn na n yũ koom ning mam sẽn na n kõ-a wã ye, ko-yũud kõn leb n yõka ye: la koom ning mam sẽn na n kõ-a wã na n lebga ko-bundg sẽn na n buli, hal tɩ ta vɩɩm sẽn kõn sa wã pʋgẽ.

A Zeezi leok-a lame n yeele: «Fo sã n dag n miẽ Wẽnnaam kũunã, la f mi ned ning sẽn kot-a foom koomã n na n yũ wã, yaa foom n dag n na n kos-a, la a rag n na n kõo foom ko-bundga.»

A Zeezi yeela bãmb yaa: «Mam rɩɩbã, yaa tɩ maan sẽn tʋm-a maamã raabo, la m baas tʋʋmd ning b sẽn kõ maam tɩ m maanã.

La pagã yeela bãmb yaa: «M kẽem sõngo, yãmb ka tar baa fɩ n na n toog koomã bulgẽ wã ye, tɩ bulgã yaool n zulmẽ. Dẽ, yãmb na n yãnda ko-bund-kãng yɛɛnẽ?»

Pagã yeela bãmb yaa: «Mam miime tɩ Mesi wã, soab ning b sẽn boond tɩ Kirisã na n waame. B sã n wa, b na n wilga tõnd bũmba fãa.» A Zeezi yeela yẽnda: «Maam, soab ning sẽn gomd ne foomã, yaa maam la bãmba.»

Wa-y n ges-y rao sẽn togs maam bũmb nins fãa mam sẽn maanã! Dẽ yĩnga, ka na n yɩ Kirisã?