Suosittuja jakeita Raamatun kirjasta ወንጌል ዘሉቃስ 22

Jaa

እንዘ ይብል አባ ለእመ ትፈቅድ አግኅሦ ለዝንቱ ጽዋዕ እምኔየ ወባሕቱ ፈቃደ ዚኣከ ይኩን ወአኮ ፈቃደ ዚኣየ።

ወአንሰ ሰአልኩ በእንቲኣክሙ ከመ ኢይድክም ሃይማኖትክሙ ወአንተኒ ተመዪጠከ ጸንዖሙ ለአኀዊከ።

ወነሥአ ኅበስተ ወአእኲቶ ፈተተ ወወሀቦሙ ወይቤሎሙ ዝንቱ ውእቱ ሥጋየ ዘይትወሀብ በእንቲኣክሙ ለቤዛ ብዙኃን ወከመዝ ግበሩ ተዝካርየ በእንቲኣየ።

ወከማሁ ጽዋዐኒ እምድኅረ ተደሩ ይቤሎሙ ዝንቱ ጽዋዕ ዘሐዲስ ሥርዐት ደምየ ውእቱ ዘይትከዐው በእንቲኣክሙ ወበእንተ ብዙኃን።

ወፈርሀ ወአውተረ ጸልዮ ወኮነ ሐፉ ከመ ነጸፍጻፈ ደም ዘይወርድ ውስተ ምድር።

ወለክሙሰ አኮ ከመዝ አላ ዘየዐቢ እምኔክሙ ይኩንክሙ ከመ ዘይንእስ ወሊቅኒ ይኩን ከመ ላእክ።

ወይቤሎ እብለከ ጴጥሮስ ዮም ዘእንበለ ይንቁ ዶርሆ ሥልሰ ትክሕደኒ ከመ ዘኢተአምረኒ።