Suosittuja jakeita Raamatun kirjasta Luqaase 6

Jaa

Axuseni inguwayte hinuseni inguttoko e ingutte. Hi makkesunako matti hinuse e makkutte. Fetto modhussi nocci siidhi e qinowanna garsi matti hinuse e ingutte>> yeydi e hido.

Modhe axi modhe be muxhurowaaka bhikkiluttesesaafako modhe zeere e zeere. Iita axi iita be muxhurowaka bhikkiluttesesaafako iita e zeere. Axi be nuunana e zeeresi be muxhurowaaka kundi gardasafako.

Hinunimay hi iilaxita eehuwayte. Modhete axuse hantuwayte. <Hagaa hanke taase e mahhe?> hidi gobbe keenguwasa hinuni tal'uwayte. Hi degexe woomay orjeko. Uddime afana maaqe Wonto nayshuko hi maaqe. Ye esini Wontoy bemba galatuwasituseni maaqqe iitituse jhergaxuko.

Afaa yese hinadey maaresa maaqenike hinunini yeydiwo maaresa maaquwayte.

Oone garani yaadhofita. Hi garani yaa'uttuwasso. Feda <Baysaxe> hidi hidofita, hinuni <Baysaxe> hidi hiyuttuwaytako. Axuse <Attuwaye> yeydi hiwayte hinuseni <Attuwaye> yeydiko e hiyutte.

Taase siine hinuse ohoko ta ohe. Hi iilaxe eehuwayte. Hinumba inxha'esuse modhe hantuwayte. Hinumba aacesha suuzuwayte, hinumba miidheesituse Wonto shi'uwayte.

Axiti hinuse mahorosa hi worgesa hinunini ye esukewo axuse mahuwayte.

Ne waqowa baqeesuse lakko bade waqo e baqoronike arsi beysuwa. Toyya maa'o ne garafa ekkeesuse fede maa'o kossi inguway. Nemba shi'esuse e shi'e abako uddina inguwa. Ne miijhe tal'i ekkesuse hanke neese e mahoronike oyccofuna.

Modhe mixi iita aafe kaxhuwasso. Iita mixi modhe aafe kaxhuwasso.

Mixiti be uddina be aafenako u erutte. Anke garafa belese aafey maxhuttuwasso, mixi dhusha garafa weyne aafey maxhuttuwasso.