Suosittuja jakeita Raamatun kirjasta Luwc 20

Jaa

A hwy á’i gwyliasent ef, ac á osodasant ysbiwyr arno, gàn eu haddysgu hwynt i gymeryd arnynt fod yn ddynion cydwybodol, fel y dalient ef yn ei eiriau, ac y traddodent ef yn meddiant ac awdurdod y rhaglaw. Y rhai hyn á’i cyfarchasant ef gyda ’r holiad hwn, Rabbi, ni á wyddom dy fod yn llefaru ac yn dysgu yn uniawn, ac heb dderbyn wyneb, yn dysgu ffordd Duw yn ffyddlawn. A ydyw yn gyfreithlawn i ni dalu trethi i Gaisar, ai nid yw? Yntau yn canfod eu cyfrwysdra hwy, á atebodd, Paham y mỳnech fy rhwydo i? Dangoswch i mi geiniog. Llun ac argraff pwy sydd arni? Hwythau á atebasant, Yr eiddo Caisar. Yntau á adatebodd, Rhoddwch chwithau, gàn hyny, i Gaisar yr hyn sydd eiddo Caisar, ac i Dduw yr hyn sydd eiddo Duw. Felly nis gallasent ei ddal ef yn ei ymadroddion gèr bron y bobl; am hyny, gán ryfeddu wrth ei ateb ef, hwy á dawsant â son.

Iesu, gwedi edrych arnynt, á ddywedodd, Pa beth ynte á feddylia yr ymadrodd hwnw o’r ysgrythyr, “Maen à wrthododd yr adeiladwyr á wnaethwyd yn ben y gongl. Pwybynag á syrthio àr y maen hwnw, á falurir; ond àr bwybynag y syrthio, efe á’i chwilfriwia ef.” Y pryd hwnw yr archoffeiriaid a’r ysgrifenyddion, gàn wybod mai yn eu herbyn hwy y dywedasai efe y ddameg hon, á fỳnasent osod dwylaw arno, ond yr oedd arnynt ofn y bobl.

Yna, yn nghlywedigaeth yr holl bobl, efe á ddywedodd wrth ei ddysgyblion, Ymogelwch rhag yr ysgrifenyddion, y rhai á garant rodio mewn dillad llaesion, ac á hoffant gyfarchiadau mewn lleoedd cyhoeddus, a’r prif eisteddlëoedd yn y cynnullfëydd, a’r lleoedd uchaf mewn gwleddau; y rhai sydd yn difa teuluoedd gwragedd gweddwon, ac yn gwneuthur gweddiau hirion yn rhithesgus. Y rhai hyn á ddyoddefant y gosb lèmaf.