Suosittuja jakeita Raamatun kirjasta လူႉၵႃႇ 24

Jaa

ၵႃႈ​ၼင်ႇ​ဢၼ်​ၵတီႉ​ပေႃႈ​ၵဝ်​မီး​ၼၼ်ႉ ၵဝ်​တၵ်း​ႁဵတ်း​တီႈ​သူ​လူး​ၵွၼ်ႇ​ဢေႃႈ။ ပိူဝ်ႈ​ၼႆ​လႄႈ ၸူဝ်ႈ​ဢၼ်​သူ​ဢမ်ႇ​ပႆႇ​ၶၢမ်ႇ​ဢဝ်​တၼ်း​ၶူဝ်း​ၵႃႈ​တီႈ​ၵၢင်​ႁၢဝ်​ၼၼ်ႉ​ၸိုင်၊ သူ​ယူႇ​ၵႃႈ​ၼႂ်း​ဝဵင်း​ၼႆႉ​လူး​ၵွၼ်ႇ​တႃႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​ဢမ်ႇ​မီး​ၵႃႈ​တီႈ​ၼႆႈ။ မၼ်း​ၸဝ်ႈ​လုၵ်ႉ​ၶိုၼ်း​ယဝ်ႉ။ ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​လွင်ႈ​ဢၼ်​မၼ်း​ၸဝ်ႈ​လၢတ်ႈ​တီႈ​သူ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ယင်း​တိုၵ်ႉ​မီး​ယူႇ​ၼႂ်း​မိူင်း​ ၵႃႇလီႉလႄး ​ပုၼ်ႉ​လႄႈ​ဝႃႈ၊

သွင်​ၶႃ​ၼၼ်ႉ​မၢၵ်ႇ​တႃ​ၽုၺ်ႇ​လႅင်း​လႄႈ လႆႈ​ႁူႉ​လွင်ႈ​ဢၼ်​ပဵၼ်​မၼ်း​ၸဝ်ႈ​ဢေႃႈ။ မိူဝ်ႈ​ၼၼ်ႉ မၼ်း​ၸဝ်ႈ​လပ်ႉ​ႁၢႆ​ၵႂႃႇ​သေ​ဢေႃႈ။- သွင်​ၶႃ​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​လၢတ်ႈ​ၵၼ်​လႄႈ​ဝႃႈ၊ ၼႂ်း​မိူဝ်ႈ​ဢၼ်​မၼ်း​ၸဝ်ႈ​ႁေႃး​လၢတ်ႈ​ပၼ်​တီႈ​ႁႃး​လႄႈ​ၽုၺ်ႇ​ဢွၵ်ႇ​ၼႄ​ပျႃး ဢထိၵ်ႈပႄႇ​ၵျၢမ်း​လိၵ်ႈ​တီႈ​ႁႃး​ၵႃႈ​ၼႂ်း​ၵၢင်​တၢင်း​ၼၼ်ႉ​ၸိုင်၊ ႁူဝ်​ၸႂ်​ႁႃး​ဢူၼ်ႈ​ဢွၼ်​မႃး​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

လၢတ်ႈ​လႄႈ​ဝႃႈ၊ ၵျၢမ်း​လိၵ်ႈ​မႃး​ၸိူဝ်ႉ​ၼင်ႇ​ၼႆ​ဢေႃႈ။ ၸဝ်ႈ​ၶရိၸ်ႈ​တၵ်း​လႆႈ​ၶၢမ်ႇ​တၢင်း​တၢႆ​လႄႈ ၼႂ်း​ဝၼ်း​ဢၼ်​ထူၼ်ႈ​ထိုင်​သၢမ်​ဝၼ်း​ၼၼ်ႉ တၵ်း​လႆႈ​လုၵ်ႉ​သေ​ၵႃႈ​တီႈ​တၢင်း​တၢႆ​ၼၼ်ႉ​ဢေႃႈ။- ဢိင်​ပိုင်ႈ​ၼႃႇ​မႃႉ​ၸိုဝ်ႈ​သဵင်​မၼ်း​ၸဝ်ႈ​သေ​လႄႈ​တၵ်း​လႆႈ​ႁေႃး​လၢတ်ႈ​တြႃး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ် ဢိၵ်ႇ​တင်း​တြႃး​တၢင်း​ဢၼ်​ပွႆႇ​လွတ်ႈ​ဢပႅတ်ႈ​ၼၼ်ႉ ၵႃႈ​တီႈ​ၸႃႉ​ၸဵမ်​ဝဵင်း​ ယေႇရူႉသလႅမ်ႇ ဢိၵ်ႇ​တင်း​ၵူၼ်း​မဵဝ်း​ၵႃႈ​မီး​တင်း​သဵင်ႈ​တင်း​လူင်​ဢေႃႈ။

ၶဝ်​ၼၼ်ႉ​ထူပ်း​ႁၼ်​မၢၵ်ႇ​ႁိၼ်​ၼၼ်ႉ ၵိင်ႈ​ဢွၵ်ႇ​သေ​ၵႃႈ​တီႈ​ၶုမ်​သၢင်း​ၶႅင်း​ၼၼ်ႉ​မီး​ဝႆႉ​ယူႇ​လႄႈ၊- မိူဝ်ႈ​ဢၼ်​ၶဝ်​ၶဝ်ႈ​ၵႂႃႇ​ၵႃႈ​ၼႂ်း​ၸိုင်၊ ၶဝ်​ဢမ်ႇ​ထူပ်း​ဢမ်ႇ​ႁၼ်​တူဝ်​တၢႆ​ၸဝ်ႈ​ ယေႇသူႉ ​ၼၼ်ႉ။