Suosittuja jakeita Raamatun kirjasta लूका 14

Jaa

अगर कोई म्येरो शिष्य बनून चाँछो, और उ अपूनो बबा, ईजा, स्यैनि नान्तिना और भाई, बैनिन याँ तक कि अपून प्राणून सबून है ज्यादा प्रेम राखछो, उ म्येरो शिष्य नै हो सकनो।

और जो अपूनो दुखून को सूली उठाभेरन म्यारा पछिल नै हिटन, उ म्येरो शिष्य बनना को योग्य नाहातिन।

और जो कोई अपून-आपस ठूलो बनालो, उ नानो करि जालो और जो कोई अपनास नानो बनालो उ ठूलो करि जालो।

इसीकैं तुमूनमें भटे अपून सब कुछ छोड़ दे, तो उ म्येरो शिष्य बन सकछो।

तुमूनमें भटे को इस छै, जो घर बनून चाँछो, और पैलि बैठभेरन खर्चा हिसाब नै लगून और यो नै देखून कि ऊस पुरो करून खिन पुजी उक पास छी? काँई इसो नै हो कि जब उ घर की नीव डाल ले, लेकिन घर स तैयार नै कर सक्यो, त सब देखूनवाला यो कैभेरन उकी मजाक उड़ून करला। यो आदिमी घर बनून त लागछ्य पर तैय्यार नै कर सक्यो?

लेकिन जब तैं दावत करले, त कंगालून, लूला-लंगड़ान, और अन्धान बुलाये। तब तैं धन्य हो ले, क्याखिनकि उनार पास तैंस दिन खिन कै नाहातिन, लेकिन जब धर्मी लोगून ज्यून होलो, तब परमेश्वर तैंस ईनाम द्योलो।

फिर यीशु ले एक किस्सा सुणाछ, “नून त निको चीज छै, लेकिन अगर नूनो नमकीनपन खतम हैज्यो, तो फिर ऊस कि चीज ले नमकीन करि जालो। उ नै त जमीना का और नै खादो को काम उछो, जो कोई यो बात स सुण सकछो जो मैं कुन मरेयू, उ यो समझना की कोशिश करून।”