Suosittuja jakeita Raamatun kirjasta YOHAN 4

Jaa

Siyiex mawh Khuan mai pui pa krub ka Nawh, tak krub Nawh ka daux khuan mai ka daux pa mawh meh heue.”

Viang mawh nan, bawg yam tak sang hoek, mai hoik hoek yam in, yam krub pui ka Keeing Cao tete, tak krub ka daux khuan mai ka daux pa mawh meh, kheu sawg Keeing Cao ka pui pa krub ka Nawh yuh nan heue.

Viang mawh nan, pui mawx ang ah pa nyaux rawm pa tawx Aux, tak ang lai baox deeh sang nyaux nie rawm tix bawg kawx, viang mawh nan rawm pa sang tawx Aux ka nawh tak sang mawh rawm daux pa lih rawm ka daux nawh, tom kieh mawh ju pa im leeing ju”

Yesux baox pawk lox ah nin ka nawh, “Phan maix tawng bwanson totaix pa tawx Siyiex mai Kaw pa ah, Tawx Aux nyaux rawm mawh mawx? Maix sang mhaing rawm ka Nawh mai Nawh tak sang tawx rawm im ju ka maix heue.”

Yesux baox ah nin ka kix, “Priex ih Aux mawh pa yuh alo Kaw pa ploi Aux hoek mai pa yuh kaing Nawh tom hoik heue.

Bun an baox ah nin ka Nawh Cao, “Simiang eue, Maix ang koe ceu pa pug rawm, kheu rawm daux in kied raux tete, kheu nan Maix chix pon rawm im ju ka dee mawx?

Bun an baox ah nin ka Nawh Cao, “Aux hoik tawng grawng sang hoek Misiyax, Kaw pa kok mawh Cao Khrit, yam hoik hoek Nawh, Nawh tak sang krai kuceu khawmuik ka ex heue.” Yesux baox ah nin ka nawh, “Aux pa sikah mai maix mawh Nawh heue.”

“Hoek ti jhak ka Pui tix kaux, pa hoik krai aux can ceu pa hoik yuh aux khawmuik. Khiex chix mawh Nawh Cao Khrit lie?”