Suosittuja jakeita Raamatun kirjasta Diarhebion 12

Mae pryder yn gallu llethu rhywun, ond mae gair caredig yn codi calon.

Mae rhywun sy’n barod i gael ei gywiro yn caru gwybodaeth, ond mae’r un sy’n gwrthod derbyn cerydd yn ddwl!

Mae siarad yn fyrbwyll fel cleddyf yn trywanu, ond mae geiriau doeth yn iacháu.

Mae’r ffŵl byrbwyll yn meddwl ei fod e’n gwybod orau, ond mae’r person doeth yn derbyn cyngor.

Mae’r ffŵl yn dangos ar unwaith ei fod wedi gwylltio, ond mae’r person call yn anwybyddu’r ffaith ei fod wedi’i sarhau.

Mae gwraig dda yn gwneud i’w gŵr deimlo fel brenin, ond mae un sy’n codi cywilydd arno fel cancr i’r esgyrn.

Mae’n gas gan yr ARGLWYDD gelwydd, ond mae’r rhai sy’n dweud y gwir yn ei blesio.

Mae’r un sy’n gwneud beth sy’n iawn yn dangos y ffordd i’w ffrind, ond mae person drwg yn arwain rhywun ar gyfeiliorn.

Mae geiriau gwir yn aros bob amser, ond celwydd, mae wedi mynd mewn chwinciad.