Suosittuja jakeita Raamatun kirjasta Yowano 1

Jaa

Ngoboni kunimwabo bamutambwile, baya bakulupilile mu lizina lyendi, wabapanikile ngovu ngayi benge bana ba Nyambi.

Ha kutatika kwekalile Lizu, Lizu lyekalile hamo na Nyambi na Lizu lyengile Nyambi.

Lumuni lwamunikanga mu mincimpwe, kami mincimpwe kutwesha kuluzima yifwako.

Lizu lyafutukile muntu, wekalile mukatiketu, wenzalile na nceshe na kupwisha. Twamonene wuwahe wendi, wuwahe ou atambwile hakwinga Mwana umo tuhu wa Tate.

Nyambi walengele byuma nimwabyo kupitila mumwendi, kowa shuma shimo shalengiwile kwakubula niye. Mumwendi mwekalile wumi kami uya wumi wengile lumuni lwa bantu.

Mutena wakulundamina, Yowano wamonene Yeshu heza kukwendi, pe wambile ngayi, “Monenu, Mwana Mbelele wa Nyambi ou ukufumisha wubi wa bakakaye!

Lizu lyekalile mu kaye, hinge ndi Nyambi walengele byuma nimwabyo kupitila mumwendi, ngoboni bakakaye kaliha bamulimukile. Wezile ku litunga lyendi, ngoboni bawushinda wendi kaliha bamutambwile.

Olwe nilwo lumuni lwakupwisha, luya lukeza mu kaye na kumunika ku bantu nimwabo.

Nyambi wapanikile Ndayano kupitila muli Moshesha, ngoboni nceshe na kupwisha binezi na Yeshu Kilishitu.