Suosittuja jakeita Raamatun kirjasta Ioane 15

Jaa

A vaine iau, a kum kakakag muat: ia ba i ki nag, ma iau ki nana, ia kuma i ua mat: ba muat ki igen kon iau, muat kana pam larapa ta lig.

Muat a ki nag, ma ag ki namuat. Lenkuma a kakakana i kana ua ba ia ku, ma pa i tara‐kabina u ra vaine; lenkuma muat kai, ba pa muat ki nag.

Ba muat ki nag, ma ra nug pirapira i ki u ra balamuat, muat an arig a lig ba muat nemi, kura din peti korom muat.

Pa muat tikanwalipa iau, iau ku, iau tikanwalipa muat, ma iau tula muat lena, muat a wan, muat ua tau, ma in tana takum a waina kuma: ma ra lig rap ba muat arigi kon Tamag u ra iag, in tari ta muat.

Pa ta marimari i gala un ia kumi, ba te i wiruana diat a kum tepana.

A kakakag rap ba pa i ua kura in kip‐igenuai: ma ia ba i ua in kakui, ba in ua mat.

A nug wetula kumi, muat a wemaramari, lenkuma iau mari muat.

Ba muat ua mat, din pet a walaua Tamag uni, ma ra nug kum disaipeli muat.

Iau, a vaine mulu iau, ma Tamag a tenawaruabat a pinapam.

Ba te ba pa i ki nag di ogua i le ra kakakana vaine, ma i marag; ma din oto‐ugaipai, ma din ogtai u ra ugan, in wagan.

A kum lig kumi iau wapuata muat uni, ba a nug kaia i ki u ra balamuat, ma in wewoat uni a numuat kaia.

Ba muat taram u ra nug pirapira, muat a ki u ra nug maramari: lenkuma iau taram u ra pirapira a nun Tamag, ma iau ki u ra nuna maramari.

A kum lig kumi iau piratai ta muat, muat a wemaramari uni.

Ba muat palūg ugai ma diat taka na tudu ra maua, diat a mari muat kai: kăbi, pa muat palūg ugai ma diat, kuma iau tikanwalipa muat ko diat, a lig kumi diat tebua‐akaka muat uni.